ఈరోజు ప‌వ‌న్ క‌ల్యాణ్ పుట్టిన రోజు. ఈ సంద‌ర్భంగా ప‌వ‌న్ అభిమానుల కోసం కొన్ని స‌ర్‌ప్రైజ్‌లు సిద్ధం అవుతున్నాయి. అందులో భాగంగా 9గంట‌ల 9 నిమిషాల‌కు `వ‌కీల్ సాబ్‌` మోష‌న్ పోస్ట‌ర్ విడుద‌ల చేస్తామ‌ని చిత్ర‌బృందం ప్ర‌క‌టించింది. అందుకు త‌గ్గ‌ట్టుగానే… వ‌కీల్ సాబ్ మోష‌న్ పోస్ట‌ర్ రూపంలో వ‌చ్చేశాడు.

ఇదో కోర్టు డ్రామా. ప‌వ‌న్ క్రిమిన‌ల్ లాయ‌ర్ గా క‌నిపించ‌నున్నాడు. దానికి త‌గ్గ‌ట్టేమోష‌న్ పోస్ట‌ర్ సిద్ధ‌మైంది. కోర్టు వాతావ‌ర‌ణం, గాంధీ, అంబేద్క‌ర్ బొమ్మ, రాజ్యాంగం, న్యాయ శాస్త్రం.. ఇవ‌న్నీ చూపిస్తూ.. ప‌వ‌న్ ప‌వ‌న్ ఫుల్ ఎంట్రీతో.. ఈ మోష‌న్ పోస్ట‌ర్ డిజైన్ చేశారు. త‌మ‌న్ ఇచ్చిన ఆర్‌.ఆర్‌. ప్రత్యేక ఆక‌ర్ష‌ణ. స‌త్య‌మేవ జ‌య‌తే… అంటూ ఆర్‌.ఆర్‌లో నిన‌దించాడు త‌మన్‌. `పింక్‌`కి ఇది రీమేక్‌. పింక్ లో అమితాబ్ వృద్ధుడిగా న‌టించాడు. ప‌వ‌న్ పాత్ర‌ని అలా చూపిస్తే కుద‌ర‌దు క‌దా. ప‌వ‌న్ లుక్‌.. స్టైల్‌, ఇవ‌న్నీ అభిమానుల్ని దృష్టిలో ఉంచుకునే డిజైన్ చేశారు. ప‌వ‌న్ చేతిలో.. ఆయుధాన్ని చూస్తుంటే – యాక్ష‌న్ ఘ‌ట్టాల‌కు కొర‌త లేద‌నిపిస్తోంది. వేణు శ్రీ‌రామ్ ద‌ర్శ‌క‌త్వం వ‌హిస్తున్న ఈ చిత్రానికి దిల్ రాజు నిర్మాత‌.