ఔను వాళ్లిద్ద‌రూ ఇష్ట‌ప‌డ్డారులో వంశీ రీ ఎంట్రీ ఇచ్చాడు. ఆ సినిమా మంచి హిట్ట‌య్యింది. ఆ త‌ర‌వాత‌.. వ‌రుస‌గా సినిమాలు చేశాడు. ఆ చిత్రాన్ని నిర్మించింది ఆనంది ఆర్ట్స్. ఇప్పుడు మ‌ళ్లీ వంశీ – ఆనంది ఆర్ట్స్‌కాంబోలో ఓ సినిమా రాబోతోంది. ఇటీవ‌ల ఆనంది ఆర్ట్స్ నిర్మాత‌లు వంశీకి అడ్వాన్స్ ఇచ్చి క‌థ ఓకే చేయించుకున్నారు. ప్రస్తుతం ఓ యువ హీరో కోసం అన్వేష‌ణ‌లో ఉన్నాడు వంశీ. అడ‌విశేష్‌, స‌త్య‌దేవ్, విశ్వ‌క్‌సేన్ రేంజు ఉన్న హీరో ఈ క‌థ‌కి అవ‌స‌రం. వాళ్ల‌లో ఒక‌రిని హీరోగా ఫిక్స్ చేసే అవ‌కాశాలున్నాయి. ఈమ‌ధ్య థ్రిల్ల‌ర్ జోన‌ర్ లో క‌థ‌లు బాగా న‌డుస్తున్నాయి. అలాంటి సినిమాలు తీయ‌డంలో వంశీ దిట్ట‌. ఈసారీ అలాంటి క‌థ‌నే ఎంచుకున్నార‌ని తెలుస్తోంది. త్వ‌ర‌లోనే ఈ కాంబోలో సినిమాపై అధికారికంగా ప్ర‌క‌ట‌న రాబోతోంది.