సౌత్ ఇండియ‌న్ ద‌ర్శ‌కుల‌తో ప‌ని చేయ‌డానికి బాలీవుడ్ హీరోలు మ‌క్కువ చూపిస్తున్నారు. హిందీ వాళ్ల‌కూ మ‌న సౌత్ సినిమాలే న‌చ్చుతున్నాయి. అందుకే… సౌత్‌, నార్త్ ఇలా భేషుగ్గా క‌లిసిపోతున్నాయి. అట్లీ, సందీప్ రెడ్డి వంగా లాంటి ద‌ర్శ‌కులు మ‌న ద‌గ్గ‌ర్నుంచి వెళ్లి బాలీవుడ్ లో స‌త్తా చాటారు. ఇప్పుడు వంశీ పైడిప‌ల్లి కూడా బాలీవుడ్ లో ఓ క్రేజీ ప్రాజెక్ట్ చేయ‌బోతున్న‌ట్టు ఇన్ సైడ్ వ‌ర్గాల టాక్‌.

‘వార‌సుడు’ త‌ర‌వాత వంశీ పైడిప‌ల్లి నుంచి సినిమా రాలేదు. ఆయ‌న ఈసారి బాలీవుడ్ లో సినిమా చేయ‌డానికి గ‌ట్టి ప్ర‌య‌త్నాలే చేస్తున్నారు. ర‌ణ‌వీర్ సింగ్, ర‌ణ‌బీర్ క‌పూర్ లాంటి యంగ్ హీరోల‌కు ట‌చ్ లో వెళ్లారు వంశీపైడిప‌ల్లి. ఇప్పుడు అమీర్ ఖాన్ తో సంప్ర‌దింపులు జ‌రుపుతున్న‌ట్టు టాక్‌. అమీర్ కి కూడా సౌత్ ఇండియ‌న్ ద‌ర్శ‌కుల‌పై గ‌ట్టి గురి వుంది. ఇది వ‌ర‌కే ఆయ‌న మురుగ‌దాస్ తో ‘గ‌జిని’ రూపొందించారు. ఇప్పుడు వంశీ పైడిప‌ల్లికి కూడా ప‌చ్చ‌జెండా ఊపే అవ‌కాశాలు పుష్క‌లంగా క‌నిపిస్తున్నాయి. ఈ చిత్రానికి దిల్ రాజు నిర్మాత‌గా వ్య‌వ‌హ‌రించే ఛాన్స్ వుంది. ప్ర‌స్తుతానికి ఈ ప్రాజెక్ట్ పైప్ లైన్‌లో ఉంది. అన్నీ కుదిరితే ఈ యేడాదే ఓ అధికారిక ప్ర‌క‌ట‌న రావొచ్చు.