సీనియర్ దర్శకులు వంశీ డైరెక్ట్ చేసిన సినిమా ‘వెన్నెల్లో హాయ్ హాయ్’.. మూడు సంవత్సరాల క్రితం పూర్తయిన ఈ సినిమా విడుదల వాయిదా పడుతూ వచ్చింది. తను మొన్నే వెళ్లిపోయింది సినిమా టైటిల్ కాస్త వెన్నెల్లో హాయ్ హాయ్ అంటూ మార్చారు దర్శక నిర్మాతలు. అయితే ఎన్నో రోజులుగా మూలన పడుతూ వచ్చిన ఈ సినిమా ఎట్టకేలకు విడుదలవుతుంది. ఫిబ్రవరి 5న ఈ సినిమా విడుదల చేస్తున్నట్టుగా ప్రకటించారు చిత్ర దర్శక నిర్మాతలు. మంచి అభిరుచి గల సినిమాలు తీయడంలో తనకు తానే సాటి అనిపించుకున్న వంశీ దర్శకత్వం నుండి వస్తున్న మరో అద్భుత దృశ్య కావ్యం ఈ సినిమా.
రంగం ఫేం అజ్మల్ అమీర్, నిఖితా నారాయన్ లీడ్ రోల్స్ లో నటించిన ఈ సినిమా కచ్చితంగా ప్రేక్షకుల అభిరుచి మేరకే ఉంటుందని తెలుస్తుంది. తన సినిమాల్లో గోదావరి అందాలను.. మనసుకి హత్తుకునే కథాంశాలను చూపిస్తూ రంజింపచేసే వంశీ 25 సినిమాగా రాబోతున్న ఈ సినిమా తనకు మంచి ఫలితాన్ని ఇస్తుందని ఆశిస్తున్నారు. ఇక ఈ సినిమా తర్వాత తన దర్శకత్వంలో వచ్చిన ఆల్ టైం హిట్ లేడీస్ ట్రైలర్ సినిమాను మళ్లీ మోడ్రన్ గా తీసే ఆలోచన్లో ఉన్నారు. వెన్నెల్లో హాయ్ హాయ్ సినిమాను డి.వెంకటేష్ నిర్మించగా స్వర్గీయ చక్రి సంగీతం అందించడం జరిగింది.
