`ఫిదా`, `తొలి ప్రేమ‌`, `గ‌ద్ద‌ల కొండ గ‌ణేష్‌` ఇలా వ‌రుస హిట్ల‌తో చెల‌రేగిపోతున్నాడు వ‌రుణ్ తేజ్‌. ఇప్పుడు బాక్స‌ర్ అవ‌తారం ఎత్తుతున్నాడు. కిర‌ణ్ కొర్ర‌పాటి అనే ద‌ర్శ‌కుడితో వ‌రుణ్ ఓ సినిమా చేస్తున్నాడు. ఉపేంద్ర‌, సునీల్ శెట్టి.. లాంటి స్టార్లు ఈ సినిమాలో కీల‌క పాత్ర‌లు పోషిస్తున్నారు. వ‌రుణ్ 10 వ సినిమా ఇది. రేపు వ‌రుణ్ పుట్టిన రోజు. ఈ సంద‌ర్భంగా ఈ సినిమాకి సంబంధించిన ఫ‌స్ట్ లుక్ విడుద‌ల చేయ‌డంతో పాటు, టైటిల్ కూడా చెప్పేయ‌నున్నారు. ఈ సినిమాని `గ‌ని` అనే పేరు పెట్టిన‌ట్టు స‌మాచారం అందుతోంది. బాక్సింగ్ నేప‌థ్యంలో సాగే సినిమా ఇది. `గ‌ని` అనేది క‌థానాయ‌కుడి పేరు. అందుకే అది ఫిక్స్ చేశారు. ఇందులో ఫాద‌ర్ సెంటిమెంట్ ని బాగా మిక్స్ చేశార్ట‌. ఆ పాత్ర‌లో ఉపేంద్ర క‌నిపించ‌నున్నారు. వ‌రుణ్ కి కోచ్ గా… సునీల్ శెట్టి ద‌ర్శ‌న‌మివ్వ‌బోతున్నాడు.