మెగా బ్రదర్ నాగబాబు తనయుడు వరుణ్ తేజ్ చేసిన మూడు సినిమాలతోనే తానేంటో ప్రూవ్ చేసుకున్నాడు. కంచెతో విమర్శకుల ప్రశంసలను అందుకున్న వరుణ్ తేజ్ కమర్షియల్ ఇమేజ్ కోసం చేసిన లోఫర్ ఫ్లాప్ అయినా కుర్రాడికి మంచి మార్కులే పడ్డాయి. మెగా అభిమానుల హృదయాల్లో అతి తక్కువ టైంలోనే స్థానం సంపాధించిన మెగా ప్రిన్స్ వరుణ్ తేజ్ ప్రస్తుతం శ్రీనువైట్ల దర్శకత్వంలో ఓ సినిమా చేస్తున్నాడు.
నల్లమలపు శ్రీనివాస్ (బుజ్జి) నిర్మిస్తున్న ఈ సినిమాకు ‘మిస్టర్’ అనే టైటిల్ పెట్టబోతున్నట్టు సమాచారం. ఆగడు, బ్రూస్ లీ తర్వాత స్టార్ హీరోల అవకాశాలు చేజిక్కించుకోలేని దర్శకుడు శ్రీనువైట్ల, వరుణ్ తేజ్ సినిమాను ఎలాగైనా హిట్ కొట్టి తన టాలెంట్ ఏంటో ప్రూవ్ చేసుకోవాలనుకున్నాడు. సినిమాలో కథానాయికలుగా హెభా పటేల్, లావణ్య త్రిపాఠిలు ఓకే అవ్వగా.. సినిమాకు సంగీతం మిక్కి జే మేయర్ అందిస్తుండటం విశేషం. ఈ మిస్టర్ సినిమా అటు వరుణ్ తేజ్ కు ఇటు శ్రీనువైట్లకు చాలా ప్రెస్టిజియస్ సినిమా అని చెప్పాలి. మరి మిస్టర్ మెగా హీరో ఎలాంటి ఫలితాన్ని అందుకుంటాడో చూడాలి.
