గ‌ద్ద‌ల కొండ గ‌ణేష్‌తో ఓ సూప‌ర్ హిట్టు కొట్టాడు వ‌రుణ్ తేజ్‌. 14 రీల్స్ సంస్థ ఈ చిత్రాన్ని తెర‌కెక్కించింది. ఇప్పుడు మ‌రోసారి 14 రీల్స్ తో సినిమా చేయ‌డానికి ఓకే చెప్పాడు వ‌రుణ్‌. అందుకోసం నిర్మాత‌లు ప‌లు క‌థ‌లు సిద్ధం చేస్తున్నారు. ఇటీవ‌లే యువ ద‌ర్శ‌కుడు సాగ‌ర్ చంద్ర 14 రీల్స్‌కి ఓ క‌థ చెప్పాడు. దాన్ని వ‌రుణ్ తేజ్ కోసం లాక్ చేసిన‌ట్టు తెలుస్తోంది. అయ్యారే, అప్ప‌ట్లో ఒక‌డుండేవాడు చిత్రాల‌తో ఆక‌ట్టుకున్నాడు సాగ‌ర్ చంద్ర‌. `అప్ప‌య‌ముమ్ కోషియ‌మ్‌` చిత్రానికి సాగ‌ర్‌నే ద‌ర్శ‌కుడు అనుకున్నాడు. కానీ కొన్ని కార‌ణాల వ‌ల ల ఆ ప్రాజెక్టు చేజారింది. ఇప్పుడు వ‌రుణ్ తో సినిమాని ఓకే చేసుకున్నాడ‌ని తెలుస్తోంది. ఇదో ప్రేమ క‌థ అని, న‌వ‌త‌రానికే కాకుండా, కుటుంబ ప్రేక్ష‌కుల‌కూ నచ్చేలా క‌థ‌, క‌థ‌నాలు రాసుకున్నాడ‌ని తెలుస్తోంది. పూర్తి వివ‌రాలు త్వ‌ర‌లో వెల్ల‌డ‌వుతాయి.