గురు త‌ర‌వాత వెంకటేష్ కెమెరా ముందుకు రాలేదు. ఈమ‌ధ్య కొన్ని క‌థ‌లు విన్నా… దేనికీ ఓకే చేయ‌లేదు. ఎట్ట‌కేల‌కు తేజ‌తో ప‌నిచేయ‌డానికి ప‌చ్చ జెండా ఊపేశారు. ఇలా క‌థ ఓకే చేశాడో, లేదో… అలా ప‌ట్టాలెక్కేస్తోంది. వ‌చ్చే నెల‌లో వెంకీ సినిమాకి ముహూర్తం ఫిక్స్ చేశారు. న‌వంబ‌రు 16న ఈ చిత్రానికి క్లాప్ కొడ‌తారు. అదే రోజు నుంచి రెగ్యుల‌ర్ షూటింగ్ కూడా మొద‌లైపోతుంది. ఈ సినిమాలో క‌థానాయిక‌గా మెహ‌రిన్ ని ఎంచుకొన్నార‌ని ప్ర‌చారం జ‌రుగుతోన్నా, ఇంకా మంచి ఆప్ష‌న్ కోసం ఎదురుచూస్తున్నార‌ని టాక్‌. కుటుంబ బంధాల నేప‌థ్యంలో సాగే క‌థ ఇద‌నీ, అందుకే స్టార్ హీరోయిన్‌నే ఎంచుకొనే అవ‌కాశాలున్నాయ‌ని టాక్‌. ఓ ప్ర‌ధాన పాత్ర కోసం (బ‌హుశా ప్ర‌తినాయ‌కుడిగా) నారా రోహిత్ పేరు ప‌రిశీలిస్తున్నారు. ఈ సినిమా పూర్త‌య్యాకే బాల‌కృష్ణ తో ఎన్టీఆర్ బ‌యోపిక్‌పై దృష్టి పెడ‌తాడు తేజ‌. ఈలోగా ఎన్టీఆర్ బ‌యోపిక్ సినిమా స్క్రిప్టుని డైలాగుల‌తో స‌హా పూర్తి చేయాల‌న్న‌ది ప్లాన్‌.