ఆహాలో… నంద‌మూరి బాల‌కృష్ణ‌ అన్ స్టాప‌బుల్ అనే టాక్ షో చేస్తున్న సంగ‌తి తెలిసిందే. ఇప్ప‌టికి రెండు ఎపిసోడ్లు అయ్యాయి. మోహ‌న్ బాబు, నానిల‌తో…. బాల‌కృష్ణ షో న‌డిపించాడు. ఈ రెండు ఎపిసోడ్ల‌కూ మంచి వ్యూవ‌ర్ షిప్ వ‌చ్చింది. ఇప్పుడు మూడో గెస్ట్ గా.. విజ‌య్ దేవ‌ర‌కొండ రాబోతున్నాడ‌ట‌. విజయ్ ఇంట‌ర్వ్యూల‌న్నీ లైవ్లీగానే ఉంటాయి. సో… ఈ ఎపిసోడ్ మ‌రింత ర‌క్తి క‌ట్టే అవ‌కాశం ఉంది. కాక‌పోతే ఈ ఎపిసోడ్ కాస్త ఆల‌స్యంగా వ‌చ్చే అవ‌కాశం ఉంది. ఎందుకంటే… విజయ్ ఇప్పుడు లైగ‌ర్ షూటింగ్ కోసం ఫారెన్‌లో ఉన్నాడు. మ‌రోవైపు బాల‌కృష్ణ‌కు చిన్న‌పాటి ఆప‌రేష‌న్ జ‌రిగింది. ఆయ‌న ప్ర‌స్తుతం రెస్ట్ మోడ్‌లో ఉన్నారు. విజయ్ ఫారెన్ నుంచి రాగానే…. ఈ షోని షూట్ చేస్తార్ట‌. అప్ప‌టికి… బాల‌కృష్ణ కూడా రెడీ అయిపోతారు. క్రిష్‌, పూరి జ‌గన్నాథ్‌ల‌తో కూడా ఈ టాక్ షో ఉండ‌బోతోంద‌ని, వాళ్ల ఎపిసోడ్స్ కూడా త్వ‌ర‌లో తెర‌కెక్కిస్తార‌ని తెలుస్తోంది. చిరంజీవితో బాల‌య్య టాక్ షో చేయిస్తే.. అదిరిపోతుంది. అల్లు అర‌వింద్ ప్లాన్ కూడా అదేన‌ట‌. మ‌రి వీరిద్ద‌రి భేటీ ఎప్పుడో చూడాలి. బ‌హుశా ఈ సీజ‌న్‌లో లాస్ట్ ఎపిసోడ్ చిరుతోనే ప్లాన్ చేయొచ్చు. ఆ ర‌కంగా.. ఈ సీజ‌న్‌కి ఓ ఘ‌న‌మైన ముగింపు ఇచ్చేట్టు అవుతుంది.