హీరోగానే కాకుండా ప్రతి నాయకుడిగానూ కనిపించి ప్రేక్షకుల ఆదరణ సొంతం చేసుకున్న విలక్షణ నటుడు విజయ్‌ సేతుపతి. హీరోయిజం లెక్కలు వేసుకోకుండా పాత్రలకు ప్రాధాన్యత ఇస్తూ ఆయన ప్రయాణం సాగుతోంది. ఇదే ఆయన్ని ప్రత్యేకంగా నిలిపింది. ఇప్పుడు ఆయన హీరోగా ఓ కొత్త సినిమా టైటిల్ బయటికి వచ్చింది. ఆరుముగ కుమార్ దర్శకత్వంలో విజయ్‌ సేతుపతి చేస్తున్న చిత్రానికి ‘ఏసీఈ’ అనే వెరైటీ టైటిల్ పెట్టారు. ఇదొక క్రైమ్ కామెడీ. యోగి బాబు, పి.ఎస్. అవినాష్, దివ్య పిళ్లై, బబ్లూ ఇలా ప్రముఖ తారాగణం వుంది. టైటిల్ టీజర్ కూడా డిఫరెంట్ గా కట్ చేశారు. విజయ్ సేతుపతి హీరోగా సినిమా వచ్చి చాలా కాలమైయింది. మేరీ క్రిష్మస్ వచ్చింది కానీ అదంతా బాలీవుడ్ టచ్ తో సాగింది. ‘ఏసీఈ’ని వీలైనంత త్వరగా ప్రేక్షకుల ముందుకు తీసుకురావడానికి సన్నాహాలు చేస్తున్నారు.