వెండి తెర‌పై ఓ వెలుగు వెలిగిన అల‌నాటి క‌థానాయిక విజ‌య‌శాంతి. క‌థానాయిక‌ల్లో స్టార్ డ‌మ్ అనుభ‌వించిన‌… సౌతిండియ‌న్ లేడీ సూప‌ర్ స్టార్ విజ‌య‌శాంతి. క‌ర్త‌వ్యంలాంటి సినిమాల‌తో లేడీ ఓరియెంటెడ్ మూవీస్ రేంజ్ ఎలాంటిదో చూపించి సంచ‌ల‌నం సృష్టించింది. ఆ త‌ర‌వాత రాజ‌కీయాల్లో చేరి బిజీ అయిపోయింది. ఇప్పుడు విజ‌య‌శాంతి రీ ఎంట్రీకి చురుగ్గా ప్ర‌య‌త్నాలు సాగుతున్నాయి. చాలా కాలం త‌ర‌వాత విజ‌య‌శాంతి మేక‌ప్ వేసుకోవ‌డానికి రెడీ అవుతోంది. ఒసేయ్ రాముల‌మ్మా సినిమాకి సీక్వెల్ సిద్ధ‌మ‌వుతోంద‌ని, త్వ‌ర‌లోనే ఆ చిత్రంతో విజ‌య‌శాంతి వెండి తెర‌పైకి వ‌స్తోంద‌ని ప్ర‌చారం జ‌రుగుతోంది.

అగ్ర క‌థానాయ‌కుల చిత్రాల్లో ప్ర‌ధాన పాత్ర కోసం విజ‌య‌శాంతిని చాలామంది సంప్ర‌దించారు. అయితే విజ‌య‌శాంతి ‘నో’ చెబుతూ వ‌చ్చింది. త‌న దృష్టి కేవ‌లం రాజ‌కీయాల‌పై ఉన్నందున వేరే విష‌యాలు ప‌ట్టించుకోలేదు. ఇప్పుడు రాజ‌కీయాల్లో విజ‌య శాంతి ప్రాబ‌ల్యం బాగా త‌గ్గిపోయింది. ఈ పరిస్థితుల్లో సినిమాల్లోకి రీ ఎంట్రీ ఇవ్వ‌డం బెట‌ర్ అనిపించంద‌ట‌. దానికి తోడు ఒసేయ్ రాముల‌మ్మ‌లా ప‌వ‌ర్ ఫుల్ స‌బ్జెక్ట్ దొర‌క‌డంతో లేడీ సూప‌ర్ స్టార్ మ‌ళ్లీ రంగంలోకి దిగుతున్న‌ట్టు తెలుస్తోంది. జూన్‌, జులైల్లో ఈ సినిమా సెట్స్‌పైకి వెళ్ల‌నున్న‌ద‌ని స‌మాచారం. మ‌రి ద‌ర్శ‌కుడు ఎవ‌రు?? ఎలాంటి క‌థ అనే విష‌యాలు తెలియాలంటే అప్ప‌టి వ‌ర‌కూ ఆగాల్సిందే.