కథలు రాయడంలో దర్శకధీరుడు రాజమౌళి తండ్రి వి. విజయేంద్రప్రసాద్ బాహుబలి అయితే… తెలంగాణ రాజకీయాల్లో ప్రస్తుత ముఖ్యమంత్రి కల్వకుంట్ల చంద్రశేఖర్ రావు (కెసిఆర్) ‘బాహుబలి’. రాజకీయంగా కెసిఆర్ ప్రయాణం, తెలంగాణ ఉద్యమంలో ఆయన వ్యవహరించిన తీరు గురించి ఎంత చెప్పుకున్నా తక్కువే. మాంచి కమర్షియల్ సినిమాకు ఏమాత్రం తీసిపోని మెటీరియల్ కెసిఆర్ జీవితంలో వుంది. దాన్ని డాక్యూమెంటరీలా కాకుండా సూపర్ హిట్ సినిమా కథగా మలిచే పనిలో పడ్డారు విజయేంద్రప్రసాద్. కెసిఆర్ జీవితకథ ఆధారంగా ఇ నివాస్ దర్శకత్వంలో లక్ష్మణ్ కొంతం నిరించనున్న ‘గులాల్’కి విజయేంద్రప్రసాద్ స్క్రిప్ట్ రాస్తున్నారు. ఇటీవల దర్శక నిర్మాతలు విజయేంద్రప్రసాద్‌ని కలిశారు. కథ గురించి, సినిమా గురించి డిస్కస్ చేశారు. త్వరలో ఈ సినిమా సెట్స్ మీదకు వెళ్లనుంది.