13బి, ఇష్క్‌, మ‌నం, 24 లాంటి చిత్రాల‌తో ఆక‌ట్టుకున్నాడు విక్ర‌మ్ కె.కుమార్‌. మ‌నం అయితే ఓ క్లాసిక్‌గా మిలిపోయింది. విక్ర‌మ్‌తో సినిమా చేయ‌డానికి టాలీవుడ్ టాప్ హీరోలు సైతం ఉత్సాహం చూపించ‌డానికి త‌న ట్రాక్ రికార్డు, క‌థ‌ల ఎంపిక ఓ కార‌ణమైంది. అయితే ఇటీవ‌ల విక్ర‌మ్ పూర్తిగా ట్రాక్ త‌ప్పాడు. హ‌లో ఫ్లాప్ అయ్యింది. గ్యాంగ్ లీడ‌ర్ ఫ‌లితం కూడా అంతంత‌మాత్ర‌మే. దాంతో విక్ర‌మ్‌కి మ‌రో అవ‌కాశం రావ‌డం క‌ష్టం అవుతుందేమో అనుకున్నారంతా.

కానీ ఇప్ప‌టికీ మ‌న స్టార్ హీరోల‌కు విక్ర‌మ్‌పై న‌మ్మ‌కం స‌డ‌ల్లేదు. తాజాగా రామ్‌చ‌ర‌ణ్ కూడా విక్ర‌మ్‌తో పనిచేయ‌డానికి ఆస‌క్తి చూపిస్తున్న‌ట్టు టాక్‌. ప్ర‌స్తుతం RRR షూటింగుతో బిజీగా ఉన్నాడు చ‌ర‌ణ్‌. త‌న‌తో పని చేయ‌డానికి చాలామంది ద‌ర్శ‌కులు రెడీ గా ఉన్నారు. చ‌ర‌ణ్ కూడా కొంత‌మంది ద‌ర్శ‌కుల‌కు మాట ఇచ్చాడు. అలా మాట ఇచ్చిన‌వారిలో విక్ర‌మ్ కూడా ఉన్నాడు. విక్ర‌మ్‌తో తాను ప‌నిచేయ‌డానికి సిద్ధంగా ఉన్నాన‌ని ఇటీవ‌ల ఓ ఇంట‌ర్య్వూలో చెప్పుకొచ్చాడు చ‌ర‌ణ్‌. విక్ర‌మ్ త‌దుప‌రి తెలుగు సినిమాలో.. చ‌ర‌ణ్ హీరోగా ఉండే అవ‌కాశాలు పుష్క‌లంగా ఉన్నాయి.