చియాన్ విక్రమ్ అదేనండి మనకందరికి అపరిచితుడుగా పరిచయమైన విక్రమ్ ‘ఐ’ నిరాశ కలిగించినా తన ప్రత్యేకతను మాత్రం చాటుకునేందుకు మరోసారి సిద్ధమవుతున్నాడు. 2015లో వచ్చిన ‘ఐ’, ’10 ఎన్రదుకుల్ల’ సినిమాలు అపజయపాలైనా మరోసారి ప్రయోగామాత్మక సినిమాతో ప్రేక్షకుల ముందుకు వచ్చేదుకు నడుం కట్టాడు. ఆనంద్ శంకర్ దర్శకత్వంలో విక్రమ్ ఓ సినిమా చేస్తున్నాడు సినిమాకు టైటిల్ గా మారిచన్ అని పెట్టారట.
విక్రమ్ ద్విపాత్రాభినయం చేస్తున్న ఈ సినిమాలో కథానాయకుడిగా కాకుండా ప్రతి కథానాయకుడిగా కూడా తానే నటిస్తుండటం విశేషం. అయితే ప్రతి కథనాయకుడి పాత్రలో హిజ్రాగా నటిస్తున్నాడట విక్రమ్. సౌత్ లో ప్రయోగాలతో సినిమాలు చేయండంలో ముందుండే హీరో విక్రం ‘ఐ’ పరాజయ పాలయ్యింది కాబట్టి ఇక ప్రయోగాల జోలికి వెళ్లడనుకున్నారు. కాని మరోసారి అలాంటి ప్రయోగాత్మక చిత్రంతోనే ప్రేక్షకులముందుకు రాబోతున్నాడు.
ఇక ఈ సినిమా తర్వాత విక్రమ్ తిరు దర్శకత్వంలో ‘గరుడ’ అనే సినిమా చేయబోతున్నాడు. మరి ఈ రెండు సినిమాలతోనైనా విక్రమ్ తన కెరియర్ లో సక్సెస్ లు అందుకోవాలని కోరుకుందాం.
