విక్రమ్, పా రంజిత్ కలయికలో రూపుదిద్దుకున్న చిత్రం తంగలాన్. ఈ సినిమా ఎప్పుడో రావాల్సింది. కొన్ని అనివార్యకారణాల వలన వాయిదాపడి ఎట్టకేలకు వచ్చే నెల ప్రేక్షకులు ముందుకు రావడానికి సిద్ధమౌతోంది. తాజాగా ట్రైలర్ ని వదిలారు. ఈ సినిమా టీజర్ లోనే ఇది కోలార్ గోల్డ్ ఫీల్డ్స్ (కేజీఎఫ్) నేపధ్యంలో సాగే కథని చూపించారు. ట్రైలర్ లో ఇంకాస్త లోతుగా తంగలాన్ ప్రపంచాన్ని చూపించారు.
బ్రిటిషర్స్ కేజీఎఫ్ లో బంగారు తవ్వకాలకు ప్రయత్నిస్తారు. ఆ చుట్టు పక్కల వున్న వున్న విక్రమ్ తెగ సాయంతో ఈ పనికి పూనుకుంటారు. అయితే ఆ ప్రాంతంపై ఓ మాంత్రికురాలి కన్ను వుంటుందని అక్కడ తెగ నమ్మకం. ఈ క్రమంలో అక్కడ చోటు చేసుకున్న కొన్ని అనూహ్య సంఘటనల సమాహారంగా ట్రైలర్ ని కట్ చేశారు. విక్రమ్ మేకోవర్ ఇందులో స్పెషల్ ఎట్రాక్షన్. గుర్తుపట్టలేనంతగా మారిపోయాడు. పా రంజిత్ స్టయిల్ చా ‘రా’గా చిత్రీకరణ జరిపారు. యాక్షన్ దృశ్యాలు సహజంగా వున్నాయి. నేపధ్య సంగీతం కూడా పవర్ ఫుల్ గా వుంది. మొత్తానికి ట్రైలర్ సినిమాపై ఆసక్తిని పెంచింది.
