`వాడు – వీడు`లో క‌లిసి న‌టించారు విశాల్, ఆర్య‌. ఇప్పుడు మ‌రోసారి… `ఎనిమి` కోసం జ‌ట్టు క‌ట్టారు. ఆనంద్ శంకర్ ద‌ర్శ‌కుడు. మృణాళిని క‌థానాయిక‌. సెప్టెంబ‌రులో విడుద‌ల అవుతోంది. ఈరోజు ట్రైల‌ర్ వచ్చింది. విశాల్ కి ఆర్య‌, ఆర్య‌కి విశాల్ ఎనిమీల‌న్న విష‌యం.. టీజ‌ర్లోనే చెప్పారు. `ప్ర‌పంచంలోనే ప్ర‌మాద‌క‌ర‌మైన శ‌త్రువు ఎవ‌రో తెలుసా? నీ గురించి అన్నీ తెలిసిన నీ స్నేహితుడే` అనే డైలాగ్ ఈ టీజ‌ర్లో వినిపించింది. దాన్ని బట్టి ఈ సినిమా క‌థ ఎలా సాగుతుందో అర్థం చేసుకోవ‌చ్చు. టీజ‌ర్ అంతా ఉరుకులు, ప‌రుగులు. మైండ్ గేమ్ నేప‌థ్యంలో సాగే యాక్ష‌న్ థ్రిల్ల‌ర్‌లా క‌నిపిస్తోంది. ఖుష్బూ, ప్ర‌కాష్‌రాజ్‌లు కీల‌క పాత్ర‌ల్లో క‌నిపించారు. విశాల్, ఆర్య పాత్ర‌లు రెండూ శ‌క్తిమంతంగానే తీర్చిదిద్దినట్టున్నారు. త‌మ‌న్ ఇచ్చిన బ్యాక్ గ్రౌండ్ స్కోర్‌… మ‌రింత జోష్ తెచ్చింది. మొత్తానికి… `ఎనిమి` చూడ‌ద‌గిన యాక్ష‌న్ సినిమాల‌నే క‌నిపిస్తోంది.