కోలీవుడ్ స్టార్ విజయ్ తన సినిమాల ఫలితాలు ఎలా ఉన్నా వరుసెంట సినిమాలు చేసేస్తున్నాడు. నెల క్రితమే కథకళి అంటూ వచ్చి పలకరించిన విశాల్ ఇప్పుడు రాయుడుగా వచ్చేందుకు సిద్ధమయ్యాడు. కలక్షన్స్ కింగ్ మోహన్ బాబు తీసిన రాయుడు సినిమా అప్పట్లో మంచి విజయాన్నే అందుకుంది. ఇప్పుడు అదే టైటిల్ తో విశాల్ ప్రేక్షకుల ముందుకు వస్తున్నాడు. తమిళ్ లో ‘మరుదు’గా రిలీజ్ అవుతున్న ఈ సినిమా ఫస్ట్ లుక్ పోస్టర్ ఈరోజే రిలీజ్ అయ్యింది. పోస్టర్ లో విశాల్ ఊర మాస్ లుక్ తో కనిపిస్తున్నాడు.
ముత్తయ్య డైరెక్ట్ చేస్తున్న ఈ సినిమాకు వేల్ రాజా సినిమాటోగ్రఫీ అందించడం విశేషం. కొంతకాలంగా తన సినిమాలు తానే నిర్మించుకుంటూ వస్తున్న విశాల్ ఈ సినిమాను హరి వెంకటేశ్వర పిక్చర్స్ తో కలిసి నిర్మిస్తున్నారు. శ్రీ దివ్య హీరోయిన్ గా నటిస్తున్న ఈ సినిమాకు ఇమాన్ సంగీతం అందిస్తున్నారు. విశాల్ మాస్ లుక్ తో సినిమా ఫస్ట్ లుక్ అయితే కేక పెట్టించేలా ఉంది మరి సినిమా ఎలా ఉంటుందో చూడాలి. అన్ని కుదిరితే సినిమాను తెలుగు తమిళ భాషల్లో మే నెలలోనే రిలీజ్ చేసే ఆలోచనలో ఉన్నారు దర్శక నిర్మాతలు.
