విశ్వ‌క్‌సేన్ – కృష్ణ చైత‌న్య – నాగ‌వంశీ ఈ కాంబోలో ‘గ్యాంగ్స్ ఆఫ్ గోదావ‌రి’ రూపొందిన సంగ‌తి తెలిసిందే. మంచి బ‌జ్‌తో విడుద‌లైన ఈ సినిమా బాక్సాఫీసు ముందు బోల్తా కొట్టింది. అంచ‌నాల్ని ఏమాత్రం అందుకోలేక విశ్వ‌క్ అభిమానుల్ని నిరాశ ప‌రిచింది. అయితే… ఇదే కాంబోలో మ‌రో సినిమా రాబోతోంద‌ని ఇన్ సైడ్ వ‌ర్గాల టాక్‌. ‘గ్యాంగ్స్ ఆఫ్ గోదావ‌రి’ రిజ‌ల్ట్ తో సంబంధం లేకుండా కృష్ణ చైత‌న్య‌కు విశ్వ‌క్ మ‌రో ఛాన్స్ ఇచ్చిన‌ట్టు తెలుస్తోంది. ఈ సినిమా కూడా దాదాపుగా సితార ఎంట‌ర్‌టైన్మెంట్స్ లోనే తెర‌కెక్కే అవ‌కాశం ఉంది. ఒక‌వేళ నిర్మాత మారినా, విశ్వ‌క్ – కృష్ణ చైత‌న్య కాంబోలో సినిమా ప‌ట్టాలెక్క‌డం మాత్రం ఖాయంగా క‌నిపిస్తోంది. ఇప్ప‌టికే ఈ మేర‌కు విశ్వ‌క్ ద‌ర్శ‌కుడి మాట ఇచ్చేసిన‌ట్టు తెలుస్తోంది.

అయితే విశ్వ‌క్ మాత్రం ఖాళీగా లేడు. త‌న చేతి నిండా సినిమాలే. మెకానిక్ రాఖీ చిత్రీక‌ర‌ణ ద‌శ‌లో ఉంది. ‘లైలా’ చిత్రాన్ని ఇటీవ‌లే ప‌ట్టాలెక్కించారు. ఇందులో విశ్వ‌క్ లేడీ గెట‌ప్ లో క‌నిపించ‌బోతున్నాడు. ‘ఫ‌ల‌క్‌నామా దాస్ 2’ కూడా రాబోతోంది. మ‌రి వీటి మ‌ధ్య కృష్ణ చైత‌న్య‌కు టైమ్ ఎప్పుడిస్తాడో చూడాలి. సినిమా హిట్టూ, ఫ్లాపుల‌తో సంబంధం లేకుండా, ద‌ర్శ‌కుడికి మ‌రో అవ‌కాశం ఇవ్వ‌డం అంటే మామూలు సంగ‌తి కాదు. ఈ విష‌యంలో విశ్వ‌క్ గ‌ట్స్ ని మెచ్చుకోవాల్సిందే.