ఈ సంక్రాంతికి చిరంజీవి ‘విశ్వంభ‌ర’ విడుద‌ల కానున్న సంగ‌తి తెలిసిందే. వ‌శిష్ట ద‌ర్శ‌క‌త్వం వ‌హిస్తున్న ఈ చిత్రంలో త్రిష క‌థానాయిక‌గా న‌టిస్తోంది. కీర‌వాణి సంగీతాన్ని అందిస్తున్నారు. ఇదో సోషియో ఫాంట‌సీ సినిమా. భీమ‌వ‌రం దొర‌బాబుగా చిరంజీవి క‌నిపించ‌నున్నాడు. ఈ సినిమాలో కొన్ని ప్ర‌త్యేక‌మైన పాత్ర‌లు ఉన్నాయి. అందులో ‘నా సామి రంగ’ ఫేమ్ ఆషికా రంగ‌నాథ్ క‌నిపించ‌బోతోంది. చిరు చెల్లాయిలుగా ఇద్ద‌రు ముగ్గురు హీరోయిన్లు కూడా తెర‌పై సంద‌డి చేయ‌నున్నారు.
Also read : ‘విశ్వంభ‌ర’లో హ‌నుమాన్‌
ఇందులో ఓ ప్ర‌త్యేక గీతం కూడా ఉంద‌ని స‌మాచారం. ఆ పాట‌లో ఓ ప్రముఖ క‌థానాయిక క‌నిపించ‌బోతోంద‌ని స‌మాచారం. ఆ హీరోయిన్ కోసం ప్ర‌స్తుతం అన్వేష‌ణ ప్రారంభించారు. తెలుగులో టాప్ లీడ్ లో ఉన్న క‌థానాయికే.. తెర‌పై చిరంజీవితో స్టెప్పులు వేసే అవ‌కాశం ఉంది. ప్ర‌స్తుతం ఈ పాట‌కు సంబంధించిన ఓ సెట్ ని అన్న‌పూర్ణ స్టూడియోలో తీర్చిదిద్దుతున్నారు. ఇప్ప‌టికే కీర‌వాణి కూడా ఓ పాట సిద్ధం చేసిన‌ట్టు స‌మాచారం. క‌థానాయిక ఫిక్స‌యితే.. ఈ పాట షూటింగ్ మొద‌లెట్టేస్తారు. రేప‌టి నుంచి కొత్త షెడ్యూల్ ప్రారంభం కానుంది. ఈ షెడ్యూల్ లో కీల‌కమైన స‌న్నివేశాల్ని తెర‌కెక్కిస్తారు. త‌దుప‌రి షెడ్యూల్ లో ఐటెమ్ పాట‌తో పాటు, క్లైమాక్స్ ని తెర‌కెక్కిస్తార‌ని స‌మాచారం.
