వైజ‌యంతీ మూవీస్ ఓర‌కంగా దుల్కర్ స‌ల్మాన్‌కు హోం బ్యాన‌ర్ అయిపోయింది. ‘మ‌హాన‌టి’లో తొలిసారి తెలుగు తెర‌పై మెరిశాడు దుల్కర్. ‘సీతారామం’తో ఓ క్లాసిక్ హిట్ అందుకొన్నాడు. ‘క‌ల్కి’లో ఓ గెస్ట్ రోల్ లో మెర‌వ‌బోతున్నాడు. ఇప్పుడు వైజ‌యంతీ మూవీస్ లో మ‌రో సినిమాకు ప‌చ్చ జెండా ఊపాడు.
ప‌వ‌న్ సాధినేని ద‌ర్శ‌క‌త్వంలో వైజ‌యంతీ మూవీస్ ఓ సినిమా రూపొందిస్తోంది. ఇందులో దుల్కర్ క‌థానాయ‌కుడిగా న‌టించ‌నున్నాడు. స్క్రిప్టు ప‌నులు దాదాపుగా పూర్త‌య్యాయి. ‘క‌ల్కి’ త‌ర‌వాత వైజ‌యంతీ మూవీస్ బ్యాన‌ర్‌లో రూపొందే చిత్రం ఇదే. మ‌రోవైపు బాల‌కృష్ణ సినిమాలో దుల్కర్ ఓ కీల‌క పాత్ర పోషిస్తున్న‌ట్టు వార్త‌లు వ‌స్తున్నాయి. సితార ఎంట‌ర్‌టైన్‌మెంట్స్‌లో త‌ను న‌టించిన ‘ల‌క్కీ భాస్క‌ర్‌’ విడుద‌ల‌కు సిద్ధంగా ఉంది. ఆగ‌స్టు 15న ఈ చిత్రాన్ని ప్రేక్ష‌కుల ముందుకు తీసుకురావ‌డానికి స‌న్నాహాలు చేస్తున్నారు.
