వాల్తేరు వీర‌య్య షూటింగ్ ఫుల్ స్వింగ్‌లో జ‌రుగుతోంది. సంక్రాంతికి ఈ సినిమాని విడుద‌ల చేయ‌నున్నారు. డిసెంబ‌రు 15 నాటికి షూటింగ్ మొత్తం పూర్తి చేయాల‌న్న‌ది ప్లాన్‌. ఇటీవ‌లే ఓ పాట‌ని కూడా విడుద‌ల చేశారు. మ‌రో స‌ర్‌ప్రైజ్ కూడా త్వ‌ర‌లోనే ప్లాన్ చేస్తున్నారు. ఈలోగా.. రెండు పాట‌ల చిత్రీక‌ర‌ణ నిమిత్తం.. వాల్తేరు వీర‌య్య టీమ్ ప్రాన్స్ వెళ్తోంది. డిసెంబ‌రు 1న చిరు ఫ్రాన్స్‌లో ఉంటారు. అక్క‌డ ఓ ప‌ది రోజుల పాటు షూటింగ్ జ‌ర‌గ‌నుంది. తిరిగొచ్చాక ప్యాచ్ వ‌ర్క్ పూర్తి చేస్తారు. డిసెంబ‌రు చివ‌రి వారం నుంచి ప్ర‌మోష‌న్లు మొద‌లు పెడ‌తారు. ఈ సినిమాలో ర‌వితేజ కూడా ఓ కీల‌క‌మైన పాత్ర పోషిస్తున్న సంగ‌తి తెలిసిందే. ర‌వితేజ‌కు సంబంధించిన షూటింగ్ పార్ట్ దాదాపుగా పూర్త‌యిన‌ట్టు స‌మాచారం. ఇటీవ‌ల `వాల్తేరు వీర‌య్య‌` నుంచి `బాస్ పార్టీ` పేరుతో ఓ పాట విడుద‌ల చేశారు. ఆ పాట‌కు మిశ్ర‌మ స్పంద‌న వ‌స్తోంది. ఈసారి.. రెండో పాట దుమ్ము దులిపి, అసంతృప్తుల్ని చెరిపివేసేలా ఉండాలి. ఈ విష‌యంలో దేవిశ్రీ పై ఒత్తిడి పెరిగిన మాట వాస్త‌వం. మ‌రి రెండో పాటైనా అల‌రిస్తుందో, లేదో?