ఏజెంట్ సాయిశ్రీ‌నివాస ఆత్రేయ‌తో ఆక‌ట్టుకున్న ద‌ర్శ‌కుడు స్వ‌రూప్‌. ఇప్పుడు త‌న రెండో సినిమాపై సంత‌కం చేశాడు. మాట్నీ ఎంట‌ర్‌టైన్మెంట్స్ సంస్థ ఈ చిత్రాన్ని నిర్మిస్తోంది. ఇది కూడా ఓ థ్రిల్ల‌రే. ఓ నేర‌స్థుడి కోసం సాగే అన్వేష‌ణ ఈ చిత్రం. ప‌ట్టుకుంటే 50 ల‌క్ష‌లు అంటూ ఓ పోస్ట‌ర్‌ని కూడా విడుద‌ల చేసింది చిత్ర‌బృందం. తిరుప‌తి నేప‌థ్యంలో సాగే క‌థ ఇది. న‌టీన‌టులు, సాంకేతిక నిపుణుల ఎంపిక జ‌ర‌గాల్సివుంది. మాట్నీ చేతిలో రెండు పెద్ద సినిమాలున్నాయిప్పుడు. ఓ వైపు చిరంజీవితో `ఆచార్య‌` తెర‌కెక్కిస్తోంది. మ‌రోవైపు నాగార్జున `వైల్డ్ డాగ్‌` చిత్రాల్ని నిర్మిస్తుందీ సంస్థ‌. పూర్తి వివ‌రాలు త్వ‌ర‌లో వెల్ల‌డిస్తారు.