మొన్న‌టి వ‌ర‌కూ చూసిన అనుప‌మ ప‌ర‌మేశ్వ‌ర‌న్ వేరు. ఇప్ప‌టి అనుప‌మ వేరు. ప‌ద్ధ‌తిగా, ప‌క్కింటి అమ్మాయిలా, సంప్ర‌దాయానికి నిలువెత్తు చిరునామాలా క‌నిపించిన అనుప‌మ ఇప్పుడు ‘హాట్’ బాట ప‌ట్టింది. ముద్దుల‌తో ముంచెత్తుతోంది. ‘రౌడీ బోయ్స్’ ఓ చిన్న లిప్ లాక్ ఇస్తేనే యూత్ గిల‌గిల‌లాడేసింది. ఇప్పుడు`టిల్లు స్క్వేర్‌`లో ఏకంగా కిస్సుల బ‌స్సులేసుకొని వ‌చ్చేసింది. ఒక‌టి కాదు, రెండు కాదు.. మూడు సుదీర్ఘ‌మైన లిప్ లాక్కుల‌తో హోరెత్తించింది. ఫైట్ సీన్‌లో కూడా స‌డన్ లిప్ లాక్ ఇచ్చి వెర్రెక్కించింది. క‌ట్టూ, బొట్టూలో కూడా స్ప‌ష్ట‌మైన తేడా క‌నిపించింది. అనుప‌మ‌ని ఇది వ‌ర‌కు ఇంత హాట్ గా చూడ‌లేద‌ని ఆమె అభిమానులు కూడా స్వీట్‌గా కంప్లైంట్ చేస్తున్నారు. అనుప‌మ‌లోని ఈ మార్పుకి కార‌ణ‌మేంట‌న్న‌ది అంద‌రి ప్ర‌శ్న‌.

అనుప‌మ కెరీర్ మొద‌ట్లో ఆమెకెందుకో ప‌ద్ధ‌తైన పాత్ర‌లే వ‌చ్చాయి. వాటిని తు.చ త‌ప్ప‌కుండా చేసుకొంటూ వెళ్లిపోయింది. ఆమెలో ఓ హాట్ యాంగిల్ కూడా ఉంద‌ని ఎవ‌రూ అనుకోలేదు. స‌డ‌న్‌గా `రౌడీ బోయ్స్‌`తో అది బ‌య‌ట‌ప‌డింది. నిజంగా.. ఆ సినిమా ఫ్లాప్ అయ్యింది కానీ, అందులోని లిప్ లాక్‌.. అనుప‌మ ఇమేజ్ మొత్తాన్ని మార్చేసింది. తెర‌పై అనుప‌మ‌ని ఇలాంటి పాత్ర‌ల్లో కూడా చూపించొచ్చు… అని నిరూపించింది. ఓర‌కంగా అనుప‌మ కెరీర్‌కు ఓ కొత్త రూట్ మ్యాప్ ఇచ్చిన‌ట్టైంది. అనుప‌మని ప‌ద్ధ‌తైన పాత్ర‌ల్లో చూసీ, చూసీ బోర్ కొట్టిన‌వాళ్ల‌కు ఈ పాత్ర‌ల‌కు రిలీఫ్ ఇచ్చాయి. అనుప‌మ ఇమేజ్ మారింది. ఇక నుంచి హాట్ గాళ్ పాత్ర‌ల‌కు ఆమె ఓ మంచి ఆప్ష‌న్‌గా మారిపోయింది. అనుప‌మ స్ట్రాట‌జీ కూడా అదే. త‌న పంథాని మార్చుకొంటే, ఇంకొంత కాలం చిత్ర‌సీమ‌లో కొన‌సాగొచ్చు. సీనియ‌ర్ హీరోలు అనుప‌మ‌ని ప‌ట్టించుకోరు. యూత్ హీరోల సినిమాల్లో ఇప్పుడు ముద్దు సీన్లు.. చాలా త‌ప్ప‌ని స‌రి వ్య‌వ‌హారంగా మారిపోయింది. ఇలాంటి సీన్ల‌కు `నో` చెప్పుకొంటూ పోతే, అవ‌కాశాలు రావు స‌రిక‌దా, చిత్ర‌సీమ కూడా పూర్తిగా ప‌క్క‌న పెడుతుంది. ఆ ప్ర‌మాదం ముంచుకురాకుండా అనుప‌మ ఈ స్ట్రాట‌జీని ఎంచుకొంది.