విశ్వ విఖ్యాత నట స్వారభౌమ నందమూరి తారక రామారావు జీవిత చరిత్ర ఆధారంగా సినిమా తెరకెక్కనున్న సంగతి తెలిసిందే. తనయుడు నందమూరి బాలకృష్ణ టైటిల్ పాత్రలో ఈ సినిమా రూపుదిద్దుకుంటుంది. తేజ దర్శకుడు.
ఎన్టీఆర్ వర్థంతికి ఈ సినిమా టీజర్ రిలీజ్ చేస్తారని చెప్పారు. దీని కోసం సారధి స్టూడియోలో బాలయ్య పై కొన్ని సీన్లు కూడా చిత్రీకరించారు. నేడు ఎన్టీఆర్ వర్థంతి. ఈ సందర్భంగా టీజర్ వస్తుందని ఆశగా ఎదురుచూశారు. కానీ చిత్ర బృందం మాత్రం ఫస్ట్ లుక్ తోనే సరిపెట్టేసింది.

టీజర్ కోసం బాలయ్యపై సీన్లు తీసిన మాట మాత్రం వాస్తవం. మరి సీన్లు బారాలేదో లేదా షూటింగ్ మొదలుపెట్టకుండా టీజర్ ఇవ్వడం కరెక్ట్ కాదని అనుకున్నారేమో కానీ ఎన్టీఆర్ వర్థంతికి కేవలం ఫస్ట్ లుక్ తోనే సరిపెట్టారు. ఇక ఫస్ట్‌లుక్‌ విషయానికి వస్తే.. ఎన్టీఆర్‌ ఎలక్షన్ క్యాంపైయిన్ నిలబడి చేతిలో మైక్‌ పట్టుకున్న స్టిల్‌ పై ‘ప్రజలే దేవుళ్లు, సమాజమే దేవాలయంగా జీవించిన ఓ మహానుభావునికి ఇదే మా నివాళి..’ అన్న క్యాప్షన్‌ ఇచ్చారు. అన్నట్టు ఈ పోస్టర్ లో ఓ కొత్త సంగతి రివిల్ అయ్యింది. ఈ బయోపిక్ కి ఎంఎం కీరవాణి మ్యూజిక్ అందిస్తున్నారు. పోస్టర్ లో ఆయన పేరు కూడా వేశారు. సాయి కొర్రపాటి నిర్మిస్తున్న చిత్రమిది.