ఈరోజుల్లో క‌మ‌ర్షియ‌ల్ గీతం కంపల్స‌రీ. చిన్న‌సినిమా అయినా, పెద్ద హీరో సినిమా అయినా ఏదోలా ఐటెమ్ గీతాన్ని ఇరికించాల్సిందే. అందులోనా స్టార్ హీరో ఉన్నాడంటే.. ఇక ప్ర‌త్యేక హంగామా క‌నిపించాల్సిందే. త‌న తొలి సినిమా మిర్చితోనే ఐటెమ్ ఘాటు చూపించారు కొర‌టాల శివ. శ్రీంతుడులో ఆ అవ‌కాశం రాలేదు. అయినా స‌రే… పూర్ణ‌ని తీసుకొచ్చి ‘రామ రామ రామ రామ’ పాట‌కు కాస్త స్పెష‌ల్ సాంగ్ క‌ల‌రింగు ఇచ్చారు. ఇప్పుడు జ‌న‌తా గ్యారేజీలో మాత్రం.. ఐటెమ్ సాంగ్‌కి ప‌ర్‌ఫెక్ట్ సెట్యువేష‌న్ దొరికింద‌ట.
ఎన్టీఆర్ సినిమా, దానికితోడు దేవిశ్రీ ప్ర‌సాద్ మ్యూజిక్ డైరెక్ట‌ర్‌… అలాంట‌ప్పుడు ప్ర‌త్యేక గీతం లేక‌పోతే బాగుంటుందా? అందుకే కొర‌టాల ఓ భారీ ఐటెమ్ సాంగ్‌కి సెట్యువేష‌న్ క్రియేట్ చేశారు. అయితే ఈ పాట‌లో ఏ క‌థానాయిక క‌నిపిస్తే బాగుంటుందా? అని చిత్ర‌బృందం త‌ర్జ‌న భ‌ర్జ‌న‌లు ప‌డుతోంది. తెలుగు ప్రేక్ష‌కుల‌కు తెలిసిన క‌థానాయిక ఉంటే.. ఐటెమ్ గీతం పేలుద్ద‌న్న ఆలోచ‌న‌లో ఉన్నాడు కొర‌టాల. నాన్న‌కు ప్రేమ‌తో సినిమాలో ఐటెమ్ పాట‌కు అవ‌కాశం రాలేదు. ఈసారైనా త‌న అభిమానుల్ని ప్ర‌త్యేక గీతంతో అల‌రిద్దామ‌ని ఎన్టీఆర్ కూడా ఫిక్స‌య్యాడ‌ట. ఐటెమ్ భామ కోసం ప్ర‌స్తుతం కొంత‌మంది పేర్లు ప‌రిశీలిస్తున్నాడు ఎన్టీఆర్. ఆ జాబితాలో త‌మ‌న్నా పేరు ముందు వ‌రుస‌లో ఉంద‌ట. ఒక‌వేళ త‌మ‌న్నా సెట్ కాక‌పోతే… అంజ‌లి అయినా ట్రై చేద్దామ‌న్న ఆలోచ‌న‌లో ఉంది చిత్ర‌బృందం. స‌రైనోడు సినిమాలో అంజ‌లి ఓ ప్ర‌త్యేక గీతంలో క‌నిపించ‌నుంది. ఆ పాట గ‌నుక క్లిక్క‌యితే.. ఎన్టీఆర్‌తో అంజ‌లి చిందేయ‌డం ఖాయం.
