త‌మిళంలో సూప‌ర్ హిట్ట‌యిన సినిమా `రాక్షసన్`. తెలుగులో రాక్ష‌సుడుగా రీమేక్ చేస్తే… అదే ఫ‌లితాన్ని అందుకుంది. బెల్లంకొండ సాయి శ్రీ‌నివాస్ హీరోగా న‌టించాడు. ర‌మేష్ వ‌ర్మ‌ని ట్రాక్ లోకి తీసుకొచ్చిన సినిమా ఇది. ఆ త‌ర‌వాతే… ర‌వితేజ‌తో సినిమా చేసే ఛాన్స్ కొట్టేశాడు. వీరిద్ద‌రి కాంబోలో `ఖిలాడీ` రాబోతోంది. ఈలోగా `రాక్ష‌సుడు 2`కి సంబంధించిన ఎనౌన్స్‌మెంట్ కూడా వ‌చ్చేసింది. త‌మిళంలో `రాక్షసన్`కి సీక్వెల్ రాలేదు. తెలుగులో మాత్రం.. సీక్వెల్ క‌థ రెడీ అయ్యింది.
అయితే ఈసారి హీరో ఎవ‌ర‌న్న‌ది ఇంకా స్ప‌ష్టం కాలేదు. హీరో పేరు త్వ‌ర‌లోనే చెబుతామంటోంది చిత్ర‌బృందం. నిజానికి బెల్లంకొండ శ్రీ‌నివాస్ కోస‌మే ఈ క‌థ రెడీ చేశారు. కానీ బెల్లంకొండ `రాక్ష‌సుడు 2` చేయ‌డానికి సిద్ధంగా లేడు. ఎందుకంటే త‌న చేతిలో ఛ‌త్ర‌ప‌తి హిందీ రీమేక్ ఉంది. ఆ త‌ర‌వాత పెన్ స్టూడియోస్ తో మ‌రో సినిమా చేయాలి. ఇవ‌న్నీ పూర్త‌వ్వ‌డానికి టైమ్ ప‌డుతుంది. అందుకే.. ర‌మేష్ వ‌ర్మ కూడా మ‌రో హీరోని వెదుక్కునే ప‌నిలో ప‌డ్డాడ‌ట. కామిడియ‌న్ నుంచి హీరోగా ట‌ర్న్ అయిన ఓ న‌టుడితో ఈ సినిమా తెర‌కెక్కించే అవ‌కాశం ఉంద‌ని స‌మాచారం అందుతోంది. మ‌రి ఆ హీరో ఎవ‌రో చూడాలి.
