వైసీపీలో కీల‌క నాయ‌కుడు, జ‌గ‌న్ కు అత్యంత స‌న్నిహితుడు విజ‌య‌సాయిరెడ్డిని సొంత పార్టీ నేత‌లే ఇబ్బంది పెట్టాల‌నుకుంటున్నారా…? వైసీపీలోనే సాయిరెడ్డి ఇమేజ్ డ్యామేజ్ చేయాల‌నుకునే వారు ఎవ‌రు…?

త‌న‌ను ప‌క్క పార్టీ నేత‌లే కాదు, మా పార్టీలోనూ నా ఇమేజ్ డ్యామేజ్ చేయాల‌నుకుంటున్నార‌ని ఎంపీ, విజ‌య‌సాయిరెడ్డి స్వ‌యంగా వెల్ల‌డించ‌టం వైసీపీలోనూ చ‌ర్చ‌నీయాంశం అవుతోంది. టీడీపీ నేత‌లు విమ‌ర్శించారంటే స‌రే… వైసీపీలో సాయిరెడ్డిని టార్గెట్ చేస్తున్నార‌ని, ఆయ‌నే చెప్ప‌టం సంచ‌ల‌నంగా మారింది.

వైసీపీలో ఇప్ప‌టికే చాలా గ్రూపులున్నాయి. సాయిరెడ్డిని ప‌క్క‌న పెట్టార‌ని… వైవీ సుబ్బారెడ్డిని ఎంక‌రేజ్ చేస్తున్నార‌న్న ప్ర‌చారం జ‌రిగింది. పార్టీలో విజ‌య‌సాయిరెడ్డి ప్రాధాన్యం త‌గ్గింద‌న్న ప్ర‌చారం కూడా జ‌రిగింది. కానీ, అధికారికంగా వైసీపీ నేత‌ల‌పై ఇంత వ‌ర‌కు విజ‌య‌సాయి రెడ్డి ఎప్పుడు ఓపెన్ కాలేదు. కానీ, స‌డ‌న్ గా మా పార్టీ నేత‌లు కొంద‌రు టీడీపీతో కుమ్మ‌క్క‌య్యారు అంటూ విమ‌ర్శించారు… అది కూడా మీడియా ముందే ప్ర‌క‌టించారు.

సాయిరెడ్డిని డ్యామేజ్ చేయాల‌నుకునే అవ‌స‌రం ఎవ‌రికి ఉంది…? జ‌గ‌న్ కు ఇదంతా తెలియ‌దా… జ‌గ‌న్ కు విజ‌య‌సాయిరెడ్డి ఫిర్యాదు చేయ‌లేదా…? అన్న ప్ర‌శ్న‌లు సొంత పార్టీలోనే వ్య‌క్తం అవుతున్నాయి.