సితార ఎంట‌ర్‌టైన్‌మెంట్స్‌లో నంద‌మూరి బాల‌కృష్ణ ఓ సినిమా చేయాలి. ఇది వ‌ర‌కే.. ఈ సినిమా ప‌ట్టాలెక్కాల్సింది. కానీ కుద‌ర్లేదు. ఇప్పుడు అర్జెంటుగా బాల‌య్య కోసం ఓ క‌థ రెడీ చేసే ప‌నిలో ప‌డింది సితార ఎంట‌ర్‌టైన్‌మెంట్స్‌. అందుకోసం క‌థ‌ల్ని అన్వేషిస్తోంది. ద‌ర్శ‌కుడు సంప‌త్ నంది.. సితార‌కు ఓ క‌థ వినిపించాడు. అది ఆల్మోస్ట్ ఫైన‌ల్ అనుకుంటున్నారు. ఈలోగా.. బాబి కూడా ఓ క‌థ చెప్పాడ‌ని తెలుస్తోంది. ఈ రెండు క‌థ‌ల మ‌ధ్య సితార ఊగిస‌లాడుతోంది. ఈ రెండు క‌థ‌లూ బాల‌య్య ముందు పెట్టాల‌ని, ఏ క‌థ ఎంచుకుంటారన్న నిర్ణ‌యం ఆయ‌న‌కే వ‌దిలేయాల‌ని సితార భావిస్తోంది. బాబి చేతిలో చిరంజీవి సినిమా ఉంది. అది పూర్తి చేశాకే బాల‌య్య సినిమా ఉంటుంది. ఈలోగా బాల‌య్య చేతిలో ఉన్న గోపీచంద్ మ‌లినేని సినిమా పూర్త‌వుతుంది. సంప‌త్ అయితే ప్ర‌స్తుతానికి ఖాళీగా ఉన్నాడు. త‌ను మాస్ సినిమాల్ని బాగా తీయ‌గ‌ల‌డు కాబ‌ట్టి.. బాల‌య్య సంప‌త్ క‌థ‌నే ఓకే చేసే అవ‌కాశాలున్నాయి. ఏది ఏమైనా బాల‌య్య – సితార కాంబోలో ద‌ర్శ‌కుడు ఎవ‌రన్న‌ది ఈ నెలాఖరులోగా తేలిపోవ‌చ్చు.
బాల‌య్య సినిమాకి ద‌ర్శ‌కుడెవ‌రు?
