నందమూరి బాలకృష్ణ నటిస్తున్న 99వ సినిమా డిక్టేటర్. శ్రీవాస్ దర్శకత్వంలో రాబోతున్న ఈ సినిమా ఈ నెల 14న సంక్రాంతి కానుకగా విడుదలవుతుంది. ఈరోస్ ఇంటర్నేషనల్ నిర్మిస్తున్న ఈ సినిమాను ముందు తమిళ, మలయాళం, కన్నడ భాషల్లో డబ్ చేద్దామనుకున్నా ఇప్పుడు ఆ ఆలోచని విరమించుకున్నట్టు తెలుస్తుంది. కేవలం మలయాళం, కన్నడ భాషల్లో మాత్రమే ఈ సినిమా డబ్ అవుతుందట.

హింది, తమిళంలో ఈ సినిమాను రీమేక్ చేసే ఆలోచనలో ఉన్నారు ఈరోస్ వారు. ఇప్పటికే హింది డిక్టేటర్ అజయ్ దేవ్ గన్ ఓకే చేయగా తమిళ్ హీరో ఎవరన్నది ఇప్పుడు హాట్ టాపిక్ గా మారింది. అయితే ఇక్కడ బాలయ్య బాబులాగా మాస్ ఫాలోయింగ్ ఉన్న హీరో అజిత్. దీపావళికి వేదళం అంటూ వచ్చి మాసివ్ హిట్ కొట్టిన అజిత్ డిక్టేటర్ రీమేక్ లో నటించే అవకాశాలు ఉన్నాయని సమాచారం.

ఇప్పటికే డిక్టేటర్ కథ విన్న అజిత్ సినిమా గురించి పాజిటివ్ గానే స్పందించాడట. అయితే హిందిలో తెరకెక్కే సినిమాను తెలుగు దర్శకుడు శ్రీ వాస్ దర్శకత్వం వహిస్తాడట కాని తమిళ సినిమాకు దర్శకుడు ఎవరు అనేది తెలియలేదు. తనకు వరుసెంట హిట్ సినిమాలను ఇస్తున్న శివ దర్శకత్వంలోనే అజిత్ డిక్టేటర్ సినిమా చేసే అవకాశాలు ఉన్నాయని కోలీవుడ్ మీడియా టాక్. సంక్రాంతికి విడుదలవుతున్న సినిమా ఫలితాన్ని చూసి ఆ సినిమా మీద తుది నిర్ణయం తీసుకుంటారట.