గత కొంత కాలంగా, వైకాపా మంత్రి గుడివాడ అమర్నాథ్ సహా మరి కొంత మంది వైఎస్ఆర్సిపి నేతలు ముద్రగడ పద్మనాభం తో చేస్తున్న చర్చలు తుది దశకు వచ్చినట్లు తెలుస్తోంది. ముద్రగడ పద్మనాభం అధికారికంగా వైఎస్ఆర్సిపి పార్టీలో చేరడానికి సన్నాహాలు గట్టి గా జరుగుతున్నట్లు తెలుస్తోంది. కాకినాడ ఎంపీ స్థానానికి కానీ, తూర్పు గోదావరి జిల్లా లోని మరి ఏదైనా అసెంబ్లీ స్థానాని కి కానీ ముద్రగడ కు వైఎస్ఆర్సిపి టికెట్ లభించే అవకాశం ఉన్నట్లు జోరుగా రాజకీయ వర్గాల లో ప్రచారం జరుగుతోంది. ముద్రగడ పద్మనాభం ని అధికారికంగా తమ పార్టీలో చేర్చుకోవడం ద్వారా వైఎస్ఆర్సిపి కి గత కొంత కాలంగా దూరమైన కాపు సామాజిక వర్గాన్ని తిరిగి తమ వైపు మళ్ళించుకోవచ్చు అని వైఎస్ఆర్సిపి గట్టిగా భావిస్తోంది. అయితే 2009లో ప్రజా రాజ్యం పార్టీ వచ్చిన కొత్త లో పిఠాపురం అసెంబ్లీ నియోజక వర్గం నుండి అధికార కాంగ్రెస్ పార్టీ నుండి పోటీ చేసిన ముద్రగడ పద్మనాభం అంతటి రాజశేఖర్ రెడ్డి హవా లో కూడా మూడవ స్థానానికి పరిమితం కావడం, ప్రజారాజ్యం పార్టీ అభ్యర్థి వంగ గీత చేతిలో చిత్తుగా ఓడిపోవడాన్ని గుర్తు చేస్తూ ముద్రగడ పద్మనాభం వల్ల వైఎస్ఆర్సిపి పార్టీ కి పెద్దగా ప్రయోజనం లభించకపోవచ్చు అని రాజకీయ విశ్లేషకులు అభిప్రాయ పడుతున్నారు.

మరి ముద్రగడ రాజకీయ భవిష్యత్తు ఎలా ఉంటుంది, ఆయన చేరిక వైఎస్ఆర్సిపి కి మేలు చేస్తుందా లేక మరింత నష్టం కలుగజేస్తుందా అన్న దాని పై కొంత కాలానికి స్పష్టత వచ్చే అవకాశం ఉంది.