కన్నప్ప టీజర్ బయటికి వచ్చింది. టీజర్ రెస్పాన్స్ పక్కన పెడితే.. ఈ టీజర్ పై అందరిద్రుష్టి పడటానికి కారణం.. ప్రభాస్. ఇందులో ప్రభాస్ ఓ కీలక పాత్ర చేస్తున్నారు. ప్రభాస్ కన్నప్ప లో చేరిన తర్వాతే సినిమా చుట్టూ మంచి బజ్ క్రియేట్ అయ్యింది. టీజర్ లో ఖచ్చితంగా ప్రభాస్ మ్యాజిక్ ఉంటుందని అందరూ భావించారు. కానీ విష్ణు ఆలోచన మాత్రం మరోలా వుంది. అసలు టీజర్ లో ప్రభాస్ ని రివిల్ చేయలేదు. ఆసక్తిని ఇంకా కొనసాగించడం విష్ణు ఉద్దేశం కావచ్చు. కానీ ప్రభాస్ ని వాడే విధానం ఇది కాదనే కామెంట్స్ వినిపిస్తున్నాయి.
టీజర్..ఇండెక్స్ అఫ్ ది సినిమా. సినిమా పై బజ్ క్రియేట్ చేయాల్సింది టీజరే. ప్రభాస్ లాంటి పాన్ ఇండియా స్టార్ వున్నప్పుడు ఒక్క షాట్ అయినా చూపించి వుంటే బజ్ వేరే లెవల్ లో ఉండేది. ఫ్యాన్స్ లో సందడి మరోలా ఉండేది. సినిమా ఇంకా బలంగా నలుమూలాల చొచ్చుకు వెళ్ళేది. కానీ ఎందుకో విష్ణు ఈ ఛాన్స్ ని వాడుకోలేదు. బహుశా ప్రభాస్ కోసం ఓ స్పెషల్ ఈవెంట్ పెట్టి ఆయన క్యారెక్టర్ రివిల్ చేసే ఆలోచన వున్నారేమో. ఏదేమైనా టీజర్ లో ప్రభాస్ జాడలేకపోవడం ఫ్యాన్స్ ని నిరాశ పరిచింది.
