ఇండస్ట్రీలో అవకాశాలు రాగానే సరిపోదు. అవకాశాన్ని ఎంపిక చేసుకోవడంలో జడ్జ్మెంట్ వుండాలి. క్రేజ్ వుందని కథ, క్యారెక్టర్ తో సంబంధం లేకుండా సినిమాలు ఒప్పుకుంటూ వెళ్ళడం కెరీర్ కి ప్రమాదం. ఈ విషయంలో రష్మిక మంచి జడ్జ్మెంట్ తో వుంది. పుష్ప, యానిమల్ సినిమాలతో తన క్రేజ్ నేషనల్ లెవల్ కి పాకింది. ఇప్పుడు తను చేస్తున్న ప్రతి సినిమాకి ఒక ప్రాముఖ్యత వుంటుంది.
రొటీన్ కమర్షియల్ హీరోయిన్ తరహా పాత్రలు గుడ్ బై చెప్పేస్తుంది రష్మిక. రాబిన్ హుడ్ అందుకు లేటెస్ట్ ఎగ్జాంపుల్. ఈ సినిమాలో మొదట రష్మికనే ఫిక్స్ చేశారు. అంతకుముందు తను నితిన్ వెంకీ కుడుముల కాంబినేషన్ లో చేసిన భీష్మ హిట్. ముందు అదే కాన్ఫిడెన్స్ సినిమా సైన్ చేసింది. అయితే సినిమా తయారౌతున్న తీరు తనకి ఎక్కడో తేడా కొట్టింది. ముఖ్యంగా తన క్యారెక్టర్ లో బలం లేదనే సంగతి తెలివిగా పసిగట్టింది. డేట్స్ అడ్జెస్ట్ కావడం లేదనే సాకు చూపి స్మూత్ గా సైడ్ అయిపొయింది. పుష్ప మేకర్స్ కావడంతో వాళ్ళు కూడా సైలెంట్ గా వేరే ఆప్షన్ చూసుకున్నారు.
రష్మిక తప్పుకున్న తర్వాత శ్రీలీల ప్రాజెక్ట్ లో చేరింది. ఇక్కడే శ్రీలీల పాత్రల ఎంపికపై మరోసారి అనుమానం వస్తోంది. అసలు పెర్ఫర్మెన్స్ కి స్కోప్ లేని ఇలాంటి క్యూట్ రోల్స్ ఇప్పటికే చాలా చేసి అపజయాలు ఎదురుకుంది లీల. శ్రీలీల ఒక క్యారెక్టర్ ఒప్పుకుందంటే ఆ కథ చాలా వీక్ గా ఉంటుందనే ముద్ర ఇప్పుడు ఇండస్ట్రీలో పడింది. ఆ సెంటిమెంట్ ని రాబిన్ హుడ్ మరింత బలపరిచింది. హీరోయిన్ గా ఒక్కటికూడా చెప్పుకోదగ్గ సినిమా తనకి ఎందుకు రాలేదో నిజంగా శ్రీలీల ఇపుడు సీరియస్ గా అలోచించుకోవాలి. ఇకనైన పాత్రల ఎంపికలో తెలివిగా వుండాలి. లేదంటే కష్టం.
