ఆమెకు నలుగురు పిల్లలు. కానీ భర్తతో విబేధాలొచ్చాయి. విడిపోయింది. రెండో పెళ్లి చేసుకుంది. నాలుగేళ్లు బాగానే ఉంది. అయితే హఠాత్తుగా ఆ భర్త కనిపించకుండా పోయాడు. మిస్సింగ్ కేసు పెట్టి ఆమె కూడా.. ఎక్కడికో వెళ్లిపోయింది. పోలీసులు ఈ కేసులో మిస్టరీని చేధిస్తే.. నమ్మశక్తం కాని విషయాలు వెలుగులోకి వచ్చాయి.

గత నెల 18 వ తేదీన ఎల్బీనగర్ పోలీస్ స్టేషన్‌లో ఓ మిస్సింగ్ కేసు నమోదు అయింది.. గగన్ అగర్వాల్ అనే వ్యాపారి కనిపించడం లేదని .. అతని భార్య నౌసియా బేగం ఎల్బీనగర్ పోలీసులకు ఫిర్యాదు చేసింది. గగన్ అగర్వాల్ ఇల్లు వనస్థలిపురం పోలీస్ స్టేషన్ పరిధిలో ఉండటంతో 24 వ తేదీన వనస్థలిపురం పోలీస్ స్టేషన్ కి కేసును బదిలీ చేశారు. విచారణలో పోలీసులు మొదటగా భార్య నౌసియా బేగంనే విచారించారు. ఆమె చాలా మాటలు చెప్పింది కానీ.. పోలీసులకు క్లూ దొరకలేదు. ఆమె మాటల్ని బట్టి… పోలీసులకు తేడా అర్థమైంది. ఆ కోణంలో దర్యాప్తు చేస్తూ వచ్చారు. చివరికి మిస్టరీ తేల్చారు. గగన్ అగర్వాల్ ఇంట్లోనే ఓ చోట సమాధి అయిన గగన్ అగర్వాల్ శవాన్ని పోలీసులు బయటకు తీశారు. అప్పటికే కేసును చేధించారు. గగన్ అగర్వాల్‌ను ఆయన భార్య నౌసియా బేగమే చంపేసి పాతి పెట్టిందని గుర్తించారు. శవాన్ని బయటకు తీసి మిగతా తీగలు లాగుతున్నారు.

గగన్ అగర్వాల్ భార్య నౌసియా బేగం అగర్వాల్ ను తానే కత్తితో హత్య చేసి ఇంటి వెనుకాల పూడ్చి పెట్టినట్టు విచారణలో ఒప్పుకుంది.. ఎందుకు అలా చేశారంటే.. తన నలుగురు కూతళ్లతో గగన్ అగర్వాల్ తప్పుగా ప్రవర్తిస్తున్నాడని వారిని రక్షించడానికే అన్ని చంపానని చెప్పుకొచ్చింది. అయితే అసలు విషయం ఏమిటంటే గగన్ అగర్వాన్ ను నౌసియా రెండో పెళ్లి చేసుకుని నాలుగేళ్లు అయింది. ఒక్క సారి కూడా ఆమె నలుగురు పిల్లలు ఆ ఇంటికి రాలేదని… గగన్ అగర్వాల్ బంధువులు పోలీసులకు తేల్చి చెప్పారు. కొన్ని ఆధారాలు కూడా అందించారు. దీంతో పోలీసులు మరో వైపు నుంచి విచారణ ప్రారంభించారు.

హత్య చేసి.. గగన్ అగర్వాల్ ను ఇంట్లోనే పూడ్చేసిన తర్వాత గౌసియా .. వేరే వ్యక్తితో ఇతర రాష్ట్రాలకు వెళ్లిపోయింది. హత్యలో అతను కూడా పాలు పంచుకున్నాడని పోలీసులు అనుమానిస్తున్నారు. ఈ కేసులో ఇప్పటి వరకూ బయటపడింది కొంతే.. ఇంకా చాలా బయటపడాల్సి ఉందని పోలీసులు భావిస్తున్నారు. విచారణ జరుపుతున్నారు.