దిల్ రాజు కొత్త సినిమా ప్రకటించారు. రాజావారు రాణిగారు సినిమాతో ఆకట్టుకున్న దర్శకుడు రవికిరణ్ కోలా ఈ చిత్రానికి దర్శకత్వం వహిస్తారు. అయితే ఈ సినిమాలో హీరో ఎవరనేది చెప్పలేదు. ప్రస్తుతం విజయ్ దేవరకొండతో పరశురాం దర్శకత్వంలో ఓ సినిమా చేస్తున్నారు దిల్ రాజు. ఇప్పుడు ప్రకటించిన కొత్త సినిమాలో కూడా విజయ్ నే హీరో అని తెలుస్తోంది.
నిజానికి విజయ్, దిల్ రాజు, ఇంద్రగంటి మోహన్ కృష్ణ కలయికలో ఓ సినిమా అనుకున్నారు. ఆ అమ్మాయి గురించి మీకు చెప్పాలి తర్వాత ఇంద్రగంటి చేయాల్సిన సినిమా ఇది. ఐతే అమ్మాయి రిజల్ట్ దారుణంగా వచ్చింది. ఇదే సమయంలో విజయ్ కి లైగర్ తో ఫ్లాఫ్ తగిలింది.
దీంతో దిల్ రాజు డైలామాలో పడిపోయారు. కారణాలు ఏమిటో గానీ ఆ సినిమా ఆగిపోయింది. ఐతే విజయ్ అప్పటికే దిల్ కి సైన్ చేశారు. ఇప్పుడు ఆ సినిమా స్థానంలో విజయ్ తో రవికిరణ్ సినిమా సెట్ చేసినట్లు తెలుస్తోంది. త్వరలోనే హీరో పై అధికారిక ప్రకటన చేస్తారు.
