భారత రాష్ట్ర సమితి ఎమ్మెల్సీ కల్వకుంట్ల కవిత కు ఈడీ మరోసారి నోటీసులు జారీ చేసింది. శుక్రవారమే హాజరు కావాలని ఆదేశించింది. అయితే కవిత వాటిని మోడీ నోటీసులుగా పేర్కొని… వెళ్లేది లేదని…. తన లీగల్ టీం చూసుకుంటుందన్నారు. లీగల్ టీం తప్పనిసరిగా హాజరవ్వాలని సలహా ఇస్తే ఆమె ఈడీ ఎదుటకు వెళ్లే అవకాశం ఉంది. శుక్రవారం ఉదయం వరకూ ఆమె హైదరాబాద్ లోనే ఉన్నారు. అరెస్ట్ చేయరని క్లారిటీ వస్తే.. ఈడీ ఎదుటకు వెళ్లేందుకు రెడీగా ఉన్నారు. ఓ ప్రత్యేక విమానాన్ని కూడా బేగంపేటలో అందుబాటులో ఉంచుకున్నారని అంటున్నారు.
సౌత్ లాబీలోనే కాదు అసలు ఢిల్లీ లిక్కర్ స్కాంలోనే ఆరోపణలు ఎదుర్కొని.. నిర్దిష్టమైన అభియోగాలతో పాటు.. పెద్ద ఎత్తున నగదు కూడా స్వీకరించినట్లుగా ఈడీ చార్జిషీట్లు వేసిన తర్వాత కూడా కవితను అరెస్టు చేయలేకపోయారు. గత ఈడీ విచారణ సందర్భంగా అరెస్టు చేస్తారని అనుకున్నారు. కానీ అధికారులు వదిలేశారు. ఈ సారి కవిత బినామీగా చెబుతున్న అరుణ్ రామచంద్ర పిళ్లై అప్రూవర్ గా మారడంతో పరిస్థితి మరింత దిగజారినట్లయింది. అయితే పిళ్లై లాయర్ మాత్రం తాను అప్రూవర్ గా మారలేదంటున్నారు.
ఈడీ నోటీసులకు కుంటి సాకులు చెబుతూ గైర్హాజర్ అయితే… విచారణకు సహకరించలేదన్న కారణం చూపి అరెస్టు చేసే అవకాశం ఉంది. లిక్కర్ స్కాంలో కవిత అరెస్ట్ అయితే అంత కన్నా అంత కంటే పరువు తక్కువ ఉండదని బీఆర్ఎస్ వర్గాలు అనుకుంటున్నాయి. అందుకే కవిత లీగల్ టీం సుప్రీంకోర్టుకు కూడా వెళ్లే ఆలోచన చేస్తోంది. అందుకే ఢిల్లీ లిక్కర్ స్కాంలో ఈ రోజు కీలక పరిణామాలు చోటు చేసుకునే అవకాశం ఉంది.
