ఊపిరి పోస్ట‌ర్ చూసినా, ట్రైల‌ర్ చూసినా.. నాగార్జున‌పై అభిమానం ముంచుకొచ్చేస్తోంది. ఓ టాప్ హీరో అయ్యిండి, వీల్ ఛైర్‌కి అతుక్కుపోయే పాత్ర‌కు ఎలా ఒప్పుకొన్నాడబ్బా?? అంటూ కీలోల్లెక్క‌న ప్రేమ కురిపించేయ‌బుద్దేస్తోంది. ఈ సినిమా మొత్తానికి నాగ్ పాత్రే ఊపిరి అని ఆయ‌న అభిమానులు పిచ్చ‌పిచ్చ‌గా న‌మ్ముతున్నారు. ఈ సినిమా సూప‌ర్ డూప‌ర్ హిట్ట‌యితే క్రెడిట్ అంతా ఆయ‌నొక్క‌డే మోసుకెళ్లిపోతాడ‌ని జ‌నాల న‌మ్మ‌కం. అయితే.. ఊపిరిలో అనుకోని ట్విస్ట్ వ‌చ్చింది. నాగ్‌ని డామినేట్ చేసే క్యారెక్ట‌రేంటో బ‌య‌ట‌ప‌డింది.

అవును.. ఊపిరిలో నాగ్‌ని డామినేట్ చేసే పాత్ర‌.. శ్రీ‌నుగాడిది. అదేనండీ.. కార్తీది. ఈ సినిమాలో డ‌బ్బుల కోసం ఏదైనా చేసే పాత్ర‌లో కార్తి క‌నిపించ‌బోతున్నాడు. ఆ పాత్ర‌లో కార్తి అత్యంత స‌హ‌జంగా న‌టించాడ‌ట‌. ఓకే స‌న్నివేశంలో న‌వ్విస్తూ. ఏడిపించి.. మ‌ళ్లీ న‌వ్వించి… షాక్‌కి గురిచేశాడ‌ట కార్తి. ఒక ద‌శ‌లో నాగ్ పాత్ర‌ని డామినేట్ చేసిపాడేశాడ‌న్న‌ది ల్యాబ్ రిపోర్ట్‌. ఈ సినిమాలో నాగ్ పాత్ర‌ని త‌ల‌ద‌న్నే క్యారెక్ట‌ర్ ఏమైనా ఉందంటే అది కార్తీదే అని చిత్ర‌బృందం కూడా చెప్పుకొచ్చింది. మొత్తానికి ఈ సినిమాకి నేనూ ఊపిరినే అని నిరూపించుకోబోతున్నాడు కార్తి. ఈ ఇద్ద‌రు హీరోలూ త‌మ పెర్‌ఫార్మ్సెన్స్‌తో రెచ్చిపోతే.. సినిమా హిట్టవ్వ‌కుండా ఎందుకుంటుంది?? చూస్తుంటే ఊపిరి హిట్ జాబితాలో చేరిపోయిన‌ట్టే క‌నిపిస్తోంది.