ఆవు వ్యాసం మాత్రమే వచ్చిన వాడు ఎటు తిప్పి ఎటు వచ్చినా మళ్లీ ఆవు వ్యాసం దగ్గరకే వస్తాడు. డైరక్టర్ వంగా సందీప్ వ్యవహారం వింటే ఇదే గుర్తుకువస్తోంది. సందీప్ వంగా తరువాత సినిమా సూపర్ స్టార్ మహేష్ తో అని ఆ మధ్య వరకు వార్తలు వినవచ్చాయి.అయితే ఇప్పుడు అది వుంటుందా అన్న అనుమానాలు వినిపిస్తున్నాయి
సినిమా సంగతి తరువాత ముందు లైన్ చెప్పమంటే, మళ్లీ అర్జున్ రెడ్డి టైపులోనే, అదే జోనర్ లో లైన్ ఒకటి చెప్పినట్లు తెలుస్తోంది. ఆ లైన్ వింటూనే మహేష్ మారు మాట్లాడలేదని తెలుస్తోంది. ఆ తరువాత మాత్రం మహేష్ తన సన్నిహితుల దగ్గర తన అసంతృప్తి వ్యక్తం చేసినట్లు బోగట్టా.
దీంతో సందీప్ తో మహేష్ సినిమా వుంటుందా? అన్న అనుమానాలు వ్యక్తం అవుతున్నాయి. ఏషియన్ సునీల్ ఈ ప్రాజెక్టుకు నిర్మాతగా వ్యవహరించాల్సి వుంది. ప్రస్తుతం ఆయన కూడా వేరే కాంబినేషన్లు వెదుకుతున్నట్లు తెలుస్తోంది. ప్రస్తుతం బాలీవుడ్ లో అర్జున్ రెడ్డిని అందిస్తున్న సందీప్ అది అయ్యాక, మహేష్ కు సరిపడ లైన్ చెబితే తప్ప, ఈ కాంబినేషన్ సెట్ అయ్యే అవకాశాలు తక్కువ అని వినిపిస్తోంది.
