తానా సభల్లో పాల్గొనేందుకు.. అమెరికా వెళ్లిన జనసేన అధినేత పవన్ కళ్యాణ్ .. ప్రవాసాంధ్రుల మద్దతు కూడగట్టుకోవడమే కాదు.. కొన్ని కీలక రాజకీయ చర్చలు జరుపుతున్నారు. అదే సభల్లో పాల్గొనడానికి అమెరికా వెళ్లిన బీజేపీ జాతీయ ప్రధాన కార్యదర్శి రామ్ మాధవ్‌తో.. పవన్ కళ్యాణ్ సమావేశమయ్యారు. వీరి మధ్య దాదాపుగా రెండు, మూడు గంటల పాటు చర్చలు జరిగాయని… తెలుస్తోంది. వీరి మధ్య భేటీ… ముందుగానే ఖరారయిందని చెబుతున్నారు. దానికి తగ్గట్లుగానే ఎజెండా ప్రకారమే.. సమావేశం జరిగిందని..సమావేశం మొత్తం.. రాజకీయ అంశాలపైనే జరిగినట్లు చెబుతున్నారు.

ఆంధ్రప్రదేశ్‌లో రాజకీయం ఇప్పుడు క్లారిటీగా ఉంది. టీడీపీని టార్గెట్ చేసిన.. బీజేపీ.. ఆ పార్టీ సంగతి చూసేసింది. ఇప్పుడు.. బేస్ లెవల్లో ఆ పార్టీని నిర్వీర్యం చేయడానికి ప్రయత్నాలు చేస్తోంది. ఇప్పుడు… ప్రత్యామ్నాయంగా.. అధికారంలోకి రావడానికి… వైసీపీకి సహకరించినప్పటికీ.. ఇప్పుడిప్పుడే… విధానం మార్చుకుంటోంది. వైసీపీపై విరుచుకుపడుతోంది. గెలిచిన తర్వాత జగన్మోహన్ రెడ్డి శైలిలో మార్పులు రావడంతో.. బీజేపీ తీవ్ర అసంతృప్తిలో ఉన్నట్లుగా ప్రచారం జరుగుతోంది. ఈ తరుణంలో.. ఇక.. పవన్ కల్యాణ్.. మాత్రమే బీజేపీకి మిత్రుడిలా కనిపిస్తున్నారు. అందుకే.. ఇక ముందు.. కలసి పని చేద్దామనే ప్రతిపాదన పెట్టినట్లు ప్రచారం జరుగుతోంది. దానికి పవన్ కల్యాణ్ కూడా సానుకూలంగా స్పందించినట్లు చెబుతున్నారు.

అయితే.. బీజేపీతో కలిసి పనిచేసేందుకు పవన్ కల్యాణ్ సిద్ధమైనా… కొన్ని షరతులు పెట్టినట్లు తెలుస్తోంది. ముఖ్యంగా.. ఏపీకి.. విభజన హామీల ప్రకారం… ఇవ్వాల్సిన వాటిని ఇచ్చిన తర్వాతే కలసి పని చేద్దామని.. సూచించినట్లు చెబుతున్నారు. ప్రత్యేకహోదా విషయంలో ఆమోదయోగ్యమైన పరిష్కారం చూపాలని పవన్ కల్యాణ్ డిమాండ్ చేసినట్లు తెలుస్తోంది. ఈ విషయాలపై రామ్‌మాధవ్.. తో సుదీర్ఘంగా చర్చించారు. బీజేపీ వైపు నుంచి.. ఏపీ ప్రయోజనాల విషయంలో.. కాస్త ముందడుగు పడితే.. పవన్ కల్యాణ్.. బీజేపీ అందించే స్నేహహస్తాన్ని తీసుకోవచ్చని అంటున్నారు. మొత్తానికి.. తానా సభల్లో.. ఏపీ రాజకీయాలు మారేలా.. కొన్ని కీలక పరిమాణామాలు మాత్రం చోటు చేసుకుంటున్నాయని చెప్పుకోవచ్చు.