టాలీవుడ్ లో టైమ్ ట్రావెల్ క‌థ‌లు ఎక్కువ అవుతున్నాయి. ప్ర‌భాస్ – నాగ అశ్విన్ కాంబోలో రాబోతున్న `ప్రాజెక్ట్ కె` టైమ్ ట్రావెల్ కి సంబంధించిన క‌థే అని టాక్‌. ఇప్పుడు యువ ద‌ర్శ‌కుడు రాహుల్ సంకృత్యాన్ కూడా అలాంటి క‌థే రాశాడ‌ట. `టాక్సీవాలా`తో ఆక‌ట్టుకున్న రాహుల్.. నానిని `శ్యామ్ సింగ‌రాయ్‌`గా చూపించిన సంగ‌తి తెలిసిందే. పెద్ద కాన్వాస్ ఉన్న క‌థ‌ని జాగ్ర‌త్త‌గా హ్యాండిల్ చేసి మంచి పేరు తెచ్చుకున్నాడు. రాహుల్ టెక్నిక‌ల్ గా సౌండ్ అని ఈ సినిమాతో అర్థ‌మైంది. ఇప్పుడు మైత్రీ లో ఓ సినిమా చేయ‌బోతున్నాడు రాహుల్. అది టైమ్ ట్రావెల్ కి సంబంధించిన క‌థ అని తెలుస్తోంది. హీరో భూత, భ‌విష్య‌త్ కాలాల‌కు ఎలా వెళ్లాడు? అక్క‌డ ఏం చేశాడ‌న్న‌ది క‌థ. ఓ ర‌కంగా చెప్పాలంటే ఆదిత్య 369కి మోడ్ర‌న్ వెర్షన్ అన్న‌మాట. మైత్రీలో చాలామంది ద‌ర్శ‌కులు అడ్వాన్సులు తీసుకున్నారు. వాళ్లంతా క‌థ‌లు త‌యారు చేసుకునే ప‌నిలో ఉన్నారు. కానీ హీరోలే దొర‌క‌డం లేదు. మ‌రి… రాహుల్ సంకృత్యాన్ కి ఏ హీరో దొరుకుతాడో..?
‘ఆదిత్య 369’కి మోడ్ర‌న్ వెర్షన్
