విరూపాక్ష‌తో.. త‌న కెరీర్‌లోనే పెద్ద హిట్టు కొట్టాడు సాయిధ‌ర‌మ్ తేజ్. వ‌రుస ఫ్లాపులు, ఆ త‌ర‌వాత రోడ్డు ప్ర‌మాదం త‌ర‌వాత….తేజ్‌కి ఇది గొప్ప ఊర‌ట. నిజానికి తేజ్ ఓ మాస్ హీరో! క‌మ‌ర్షియ‌ల్ మీట‌ర్లో సినిమాలు చేయ‌గ‌ల స‌త్తా ఉన్న క‌థానాయ‌కుడు. సుప్రీమ్ లాంటి స్క్రిప్టులు ఈ విష‌యాన్ని ఇది వ‌ర‌కే నిరూపించాయి.అయితే కొంత‌కాలంగా తేజ్ మాస్ క‌థ‌ల‌కు దూరంగా ఉంటున్నాడు. రిప‌బ్లిక్‌, చిత్ర‌ల‌హ‌రి, సోలో బ‌తుకే సో బెట‌రు… ఇవ‌న్నీ తేజ్ ని భిన్నంగా చూపించిన సినిమాలే. విరూపాక్ష కూడా అంతే. తేజ్ ఇది వ‌ర‌కు చేయ‌ని జోన‌ర్ ఇది. సో.. త‌న‌కున్న చిన్న కెరీర్‌లోనే తేజ్ ర‌క‌ర‌కాల క‌థ‌ల్ని ట‌చ్ చేసేశాడ‌న్న‌మాట. ప‌వ‌న్‌తో చేస్తున్న సినిమా కానీ, కొత్త ద‌ర్శ‌కుడు జ‌యంత్ తో చేస్తున్న సినిమా కానీ. రెండూ క్లాస్ క‌థ‌లే.
అందుకే ఇప్పుడు తేజ్ కి మ‌ళ్లీ మాస్ క‌థ‌ల‌పై ప్రేమ పుట్టింది. అర్జెంటుగా ఓ మాస్ సినిమా చేయాల‌నుకొంటున్నాడ‌ట. అందుకే సంప‌త్ నందితో జోడీ క‌ట్ట‌బోతున్నాడ‌ని టాక్‌. సంప‌త్ నంది ఇప్ప‌టి వ‌ర‌కూ తీసిన‌వ‌న్నీ మాస్, క‌మ‌ర్షియ‌ల్ క‌థ‌లే. వాటితోనే హిట్లు కొట్టాడు. చాలా రోజుల నుంచి తేజ్‌తో సినిమా చేయాల‌ని చూస్తున్నాడు. ఎట్ట‌కేల‌కు ఈ కాంబో కుదిరింది. త్వ‌ర‌లోనే ఈ సినిమాకి సంబంధించిన అధికారిక ప్ర‌క‌ట‌న రానుంది.
