ఏమైంది ఈవేళ సినిమాతో దర్శకుడిగా ఓకే అనిపించుకుని రచ్చ లాంటి కథతో మెగా పవర్ స్టార్ చరణ్ ని దర్శకత్వం చేశాడు సంపత్ నంది. ఆ సినిమా తర్వాత పవర్ స్టార్ సినిమా ఛాన్స్ వచ్చినా అది చేజారింది. అయితే తాజాగా రవితేజకి బెంగాల్ టైగర్ లాంటి మంచి జోష్ ఫుల్ హిట్ ఇచ్చిన సంపత్ దర్శకత్వం పరంగా సూపర్ అనిపించుకున్నాడు. సినిమాలో పవర్ స్టార్ జపం చేసి ఆయన మీద ఉన్న అభిమానాన్ని చాటుకున్న సంపత్ నిజంగానే పవన్ ని డైరెక్ట్ చేసే ఛాన్స్ కొట్టేశాడని టాక్.
దాసరి నిర్మాణంలో పవన్ కళ్యాణ్ చేస్తున్న సినిమాకు సంపత్ దర్శకుడిగా దాదాపు ఓకే అయినట్టే. ఈ సినిమాకు సంబంధిచిన అనౌన్స్ మెంట్ సంక్రాంతికి వచ్చే అవకాశం ఉంది. అయితే తను తీసిన మూడు సినిమాల్లో రెండు సినిమాలకు హీరోయిన్ గా చేసింది తమన్నా. రచ్చలో క్యూట్ బ్యూటీగా తమన్నాని చూపించిన సంపత్ నంది బెంగాల్ టైగర్ లో హాట్ బ్యూటీగా అందాలు కురిపించేలా చేశాడు. సినిమాలో తమన్నా అందానికి ప్రేక్షకులు ఫిదా అయ్యారని చెప్పాలి.
సంపత్ దర్శకత్వం వహించే పవన్ కళ్యాణ్ సినిమాలో కూడా మరోసారి తమన్నాని తీసుకునే ఆలోచనలో ఉన్నాడట. ఆల్రెడీ స్టార్ హీరోయిన్ గా ఫుల్ క్రేజ్ మీదున్న ఈ బ్యూటీని సంపత్ తన సినిమాలతో మరో అందలం ఎక్కేలా చేస్తున్నాడు. కెమెరామెన్ గంగతో రాంబాబులో ఆల్రెడీ పవన్ తమన్నాల జోడీ హిట్ కొట్టింది. మరి మరోసారి ఈ మ్యాజిక్ ఎలా వర్క్ అవుట్ అవుతుందో చూడాలి.
