రేపు ఎన్టీఆర్ పుట్టిన రోజు. వేడుక‌లు వ‌ద్దు… అని ఎన్టీఆర్ అభిమానుల‌కు విన్న‌వించుకున్నా – సోష‌ల్ మీడియాలో ఎన్టీఆర్ ఫ్యాన్స్ హంగామా ఓ రేంజులో ఉండే అవ‌కాశం ఉంది. `ఆర్‌.ఆర్‌.ఆర్‌` నుంచి కొమ‌రం భీమ్ పోస్ట‌ర్ ఒక‌టి.. పుట్టిన రోజు సంద‌ర్భంగా ఉద‌యం 10 గంట‌ల‌కు విడుద‌ల కానుంది. దాంతో పాటు మ‌రో స‌ర్‌ప్రైజ్ కూడా ఉండే అవ‌కాశాలున్నాయి. కేజీఎఫ్ ద‌ర్శ‌కుడు ప్ర‌శాంత్ నీల్ తో ఎన్టీఆర్ ఓ సినిమా చేస్తాడ‌ని ప్ర‌చారం జ‌రుగుతోంది. మైత్రీ మూవీస్ నిర్మించ‌నుంది. ఈ సినిమాకి సంబంధించిన అధికారిక ప్ర‌క‌ట‌న‌… ఎన్టీఆర్ పుట్టిన రోజు సంద‌ర్భంగా విడుద‌ల చేసే అవ‌కాశం ఉంది. మైత్రీ మైవీస్ నుంచి ఈ అప్ డేట్ రావొచ్చు. ఎన్టీఆర్ – కొర‌టాల శివ కాంబోలో ఓ సినిమా రూపుదిద్దుకుంటోంది. దీనికి సంబంధించిన అప్ డేట్ నీ గురువారం విడుద‌ల చేస్తారేమో చూడాలి. ఎన్టీఆర్ – బుచ్చిబాబు కాంబినేష‌న్‌లో ఓ సినిమా రాబోతోంది. దీనికి సంబంధించిన అప్ డేట్ మాత్రం ఇప్ప‌ట్లో రాక‌పోవొచ్చు.