2019లో విజ‌య్ దేవ‌ర‌కొండ నుంచి ఒకే ఒక్క సినిమా వ‌చ్చింది. అదే… `డియ‌ర్ కామ్రేడ్‌`. అది కూడా ఫ్లాపే. నిర్మాత‌గా చేసిన ప్ర‌య‌త్నం కూడా అంతంత మాత్ర‌పు ఫ‌లితాన్ని ఇచ్చింది. 2020లో మాత్రం మ‌ళ్లీ త‌న దూకుడు చూపిద్దామ‌నుకుంటున్నాడు. ఫిబ్ర‌వ‌రి 14న త‌న కొత్త సినిమా `వ‌రల్డ్ ఫేమ‌స్ ల‌వ‌ర్‌` విడుద‌ల కాబోతోంది. క్రాంతి మాధ‌వ్ ఈ చిత్రానికి ద‌ర్శ‌కుడు. ఇందులో న‌లుగురు హీరోయిన్లున్నారు. వాళ్ల‌కు సంబంధించిన పోస్ట‌ర్లు కూడా చిత్ర‌బృందం విడుద‌ల చేసేసింది. జ‌న‌వ‌రి 3న టీజ‌ర్‌ని వద‌లబోతున్నారు. ఇదో అర్బ‌న్ ల‌వ్ స్టోరీ. క‌థానాయ‌కుడికి న‌లుగురు అమ్మాయిలతో ఉన్న సంబంధం ఏమిటి? అందులో ప్రేమించింది ఎవ‌రిని? అనేదే ఈ సినిమా కాన్సెప్ట్‌. ఇప్ప‌టి వ‌ర‌కూ ఈ సినిమాకి ఎలాంటి హైపూ లేదు. విజ‌య్ సినిమాల‌కుండే క్రేజ్ అస‌లేమాత్రం దీనికి లేదు. టీజ‌ర్ బ‌య‌ట‌కు వ‌చ్చాక అయినా – ఈ సినిమా గురించి మాట్లాడుకుంటారేమో చూడాలి.