తెలుగులో డైలాగ్ రైట‌ర్‌గా కొన‌సాగుతున్నారు బుర్రా సాయి మాధ‌వ్‌. స్టార్ హీరోల సినిమాల‌న్నీ దాదాపుగా ఆయ‌న చేతుల్లోనే ఉన్నాయి. ప్ర‌స్తుతం అత్య‌ధిక పారితోషికం అందుకొంటున్న డైలాగ్ రైట‌ర్ ఆయ‌నే. బుర్రా త్వ‌ర‌లోనే మెగా ఫోన్ ప‌డ‌తార‌న్న వార్త‌లు ఆమ‌ధ్య కాలంలో హోరెత్తాయి. బుర్రా కూడా ద‌ర్శ‌క‌త్వంపై త‌న ఇష్టాన్ని చాలా సంద‌ర్భాల్లో తెలియ‌జేశారు. 2024లో బుర్రా ద‌ర్శ‌క‌త్వం వ‌హించ‌డం ఖాయం అనుకొంటున్న త‌రుణంలో.. ఆయ‌న మ‌రో కొత్త నిర్ణ‌యాన్ని తీసుకొన్నారు. త్వ‌ర‌లోనే ఆయ‌న నిర్మాణ రంగంలో అడుగు పెట్ట‌నున్నారు.

నిర్మాత‌గా ఓ కొత్త ద‌ర్శ‌కుడ్ని ప‌రిచ‌యం చేస్తూ ఓ సినిమా తీయ‌బోతున్నారు. ఇప్ప‌టికే బ్యాన‌ర్ పేరు ఫిల్మ్ ఛాంబ‌ర్‌లో రిజిస్ట‌ర్ చేయించేశారు. క‌థ లాక్ అయిపోయింది. ప్ర‌స్తుతం న‌టీన‌టుల ఎంపిక జ‌రుగుతోంది. మ‌రోవైపు లొకేష‌న్ల‌నీ ఫైన‌ల్ చేసుకొంటున్నారు. ఈ చిత్రానికి నిర్మాత‌గానే కాకుండా, బుర్రా ర‌చ‌యిత‌గానూ ప‌ని చేయ‌బోతున్న‌ట్టు టాక్‌. త్వ‌ర‌లోనే బ్యాన‌ర్ పేరు, ద‌ర్శ‌కుడి వివ‌రాలూ అధికారికంగా ప్ర‌క‌టిస్తారు. ఇప్పుడు నిర్మాత‌గా ఓ మెట్టు ఎక్కిన బుర్రా.. త్వ‌ర‌లోనే మెగాఫోన్ ప‌ట్టి ఆ గోల్ కూడా చేరుకొంటారేమో చూడాలి.