మహిళల టెన్నిస్ డబుల్స్ విభాగంలో నెంబర్ వన్ జోడీ సానియా మీర్జా, మార్టినా హింగిస్ ల జైత్రయాత్ర కొనసాగుతోంది. చైనాలో జరిగిన మరో టోర్నీలో గ్యాంగ్జో టైటిల్ ను కైవసం చేసుకున్నారు. టాప్ సీడ్ గా బరిలోకి దిగిన ఈ జోడీ, జు షిలిన్, యూ జియోడి జోడీని 6-3, 6-1 స్కోరుతో వరస సెట్లలో అలవోకగా ఓడించింది. మ్యాచ్ ఏ దేశలోనూ ప్రత్యర్థులు సానియో జోడీకి తగిన పోటీ ఇవ్వలేక పోయారు. సానియా, హింగిస్ స్టామినా, గేమ్ ప్లాన్, నైపుణ్యం ముందు ప్రత్యర్థులు నిలవలేకపోయారు.
సానియా జోడీ ఇటీవలే యూఎస్ ఓపెన్ మహిళల డబుల్స్ టైటిల్ గెల్చుకుంది. అంతేకాదు, ఈ ఏడాది వీరి జోరుకు ఎదురు లేకుండా పోయింది. మార్చిలో వీరిద్దరూ జోడీ కట్టిన తర్వాత జోరుగా విజయపథంలో కొనసాగుతున్నారు.
ఇద్దరూ కలిసి 13 టోర్నమెంట్లు ఆడారు. అందులో ఆరు టోర్నీల్లో టైటిల్ గెల్చుకున్నారు. ఇండియన్ వెల్స్, మయామీ, చార్టెస్టన్, వింబుల్డన్, యూఎస్ ఓపెన్, తాజాగా గ్యాంగ్జూ ఓపెన్ టైటిల్ ను కైవసం చేసుకున్నారు. అభిమానులను అలరించారు. ఫిట్ నెస్ ను కాపాడుకుంటూ ఈ జోడీ అలుపెరగకుండా ఆడటానికి అలవాలు పడింది.
