మాటల మాంత్రికుడు త్రివిక్రం ప్రస్తుతం చేస్తున్న సినిమా అ..ఆ. నితిన్, సమంత జంటగా నటిస్తున్న ఈ సినిమాలో మలయాళ బ్యూటీ అనుపమ పరమేశ్వరన్ ప్రత్యేక పాత్రలో నటిస్తుంది. హారిక & హాసిని క్రియేషన్స్ పతాకంలో రాధాకృష్ణ ఈ సినిమాను నిర్మిస్తున్నారు. అయితే సినిమా చిత్రీకరణ దాదాపు 80% దాకా పూర్తి అయ్యిందట. మరో షెడ్యూల్ లో సినిమా పూర్తి కాబోతుందని సమాచారం.
అయితే సినిమా పూర్తి కావొస్తున్నా ఇంకా సంగీతానికి సంబంధించిన సిట్టింగ్ మాత్రం జరుగలేదట. దేవి శ్రీ ప్రసాద్ ని కాదని అనిరుథ్ ను తీసుకున్న త్రివిక్రం ఇంతవరకు అతను ఈ సినిమా కోసం పనిచేయడం జరుగలేదట. అక్కడ సినిమాల బిజీ షెడ్యూల్ తో పాటు బీప్ సాంగ్ వివాదంలో చిక్కుకున్న అనిరుథ్ త్రివిక్రం అ..ఆ సినిమాకు టైం కేటాయించలేకపోతున్నాడట.
చిత్రీకరణ పూర్తి అయినా ఇంకా సినిమాకు సంబంధించిన సంగీతం మొదలు కాకపోవడం విచిత్రంగా అనిపిస్తుంది. మరి అనుకున్న టైంకు అనిరుథ్ రాగలిగితే వచ్చాడు లేకపోతే వేరే సంగీత దర్శకుడిని పెట్టుకుంటే బెటర్ లేదంటే సినిమా మొత్తం కంప్లీట్ అయినా మ్యూజిక్ పెండింగ్ ఉంటుందట. మరి త్రివిక్రం ఆలోచనలు ఎలా ఉన్నాయో తెలియదు కాని అనిరుథ్ కోసం చూస్తూ అనవసరంగా త్రివిక్రం ఉన్న టైంను కూడా వేస్ట్ చేస్తున్నాడు అంటున్నారు.
