రాజ్యసభలో వక్ఫ్ బిల్లుకు వైఎస్ఆర్‌సీపీ సైలెంట్ గా అనుకూలంగా ఓటు వేసింది. తాము వ్యతిరేకిస్తున్నామని వైవీ సుబ్బారెడ్డి సభలో ప్రసంగింంచి చెప్పారు. కానీ ఆ పార్టీ సభ్యులు మాత్రం ఓటింంగ్ సమయంలో వక్ఫ్ బిల్లుకు సపోర్టు చేశారు. ఈ వ్యవహారం ఇప్పుడు రాజకీయాల్లో హాట్ టాపిక్ అవుతోంది.

రాజ్యసభలో ఎన్డీఏకు 125 మంది సభ్యుల బలం ఉంది. కానీ ఓటింగ్ లో 128 ఓట్లు వచ్చాయి. అంటే మూడు ఓట్లు ఎక్కువగా వచ్చాయి. యూపీఏ పార్టీల రాజ్యసభ సభ్యుల సంఖ్య 88. కానీ వచ్చిన ఓట్లు మాత్రం 95. ఏడు ఓట్లు ఎక్కువగా వచ్చాయి. ఇందులో బిజూ జనతా దళ్ పార్టీ అధ్యక్షుడు నవీన్ పట్నాయక్ విప్ జారీ చేయలేదు. ఆత్మ ప్రబోదానుసారం ఓటేసుకోవాలని ఎంపీలకు సూచించారు. దీంతో బీజేడీకి చెందిన ముస్లిం సభ్యుడు బిల్లుకు వ్యతిరేకంగా ఓటేశారు. బీఆర్ఎస్ పార్టీకి చెందిన నలుగురు కూడా ఓటేయడంతో 95 వరకూ వ్యతిరేకించిన వారి ఓట్లు వచ్చాయి.

రాజ్యసభలో మొత్తం సభ్యుల సంఖ్య 245. అందులో జమ్మూకశ్మీర్ నుంచి నాలుగు , ఏపీ నుంచి ఒకటి, నాలుగు నామినేటెడ్ సభ్యుల పోస్టులు ఖాళీగా ఉన్నాయి. అంటే 236 మంది ఓటింగ్ లో పాల్గొనాల్సి ఉంది. కానీ 223 మంది పాల్గొన్నారు. వైసీపీ సభ్యులు కొంత మంది వక్ఫ్ కు మద్దతుగా ఓటేశారు.. లేకపోతే బీజేపీకి ఇబ్బంది లేకుండా ఓటింగ్ కు దూరంగా ఉన్నారు.

పార్లమెంట్ ప్రసంగంలో తాము వ్యతిరేకిస్తామని ప్రకటించి .. బీజేపీకి బయపడి.. ఓటింగ్ కు దూరమయ్యారు. ఇదీ వైసీపీ చిత్తశుద్ధి అని ముస్లిం వర్గాల్లో చర్చ జరుగుతోంది.