నందమూరి కుటుంబం నుంచి న్యూ ఎన్టీఆర్ తెరపైకి వస్తున్నారు. హరికృష్ణ మనవడు, జానకిరామ్‌ కుమారుడు.. తారక రామారావు హీరోగా వై.వి.ఎస్‌.చౌదరి సినిమాను తెరకెక్కించనున్న విషయం తెలిసిందే. ఈ చిత్రంలో ఎన్టీఆర్ సరసన వీణారావు నటిస్తున్నారు. ఆమెను పరిచయం చేసేందుకు వై.వి.ఎస్‌.చౌదరి మీడియా మీట్ ఏర్పాటు చేశారు. ఈ ప్రెస్ మీట్ లో మోక్షజ్ఞ టాపిక్ వచ్చింది. మోక్షజ్ఞ సినిమాతో మీ సినిమా పోటీ పడనుందా? అనే ప్రశ్న ఎదురైయింది. దీనికి వై.వి.ఎస్‌.చౌదరి తనదైన శైలిలో జబాబు చెప్పారు.
”మోక్షజ్ఞ ఎంట్రీ కోసం నేను కూడా ఎదురుచూస్తున్నా. ఎవరూ ఎవరికీ పోటీ కాదు. ఆ కుటుంబం నుంచి ఎవరూ వచ్చినా బాగుండాలని కోరుకుంటాను. ఈ సంవత్సరం నందమూరి వారికి ఎంతో ప్రత్యేకం. ఎన్టీఆర్ సినిమా వచ్చి 75 ఏళ్లు, బాలకృష్ణ ఇండస్ట్రీకి వచ్చి 50 ఏళ్లు అయింది. ఇదే ఏడాది మోక్షజ్ఞ, ఎన్టీఆర్‌లు ఇండస్ట్రీకి వస్తున్నారు. మోక్షజ్ఞ సినిమా వచ్చే సమయంలో మాది రిలీజ్‌ చేయము. ఆ ఆలోచన కూడా లేదు’ అని కుండబద్దలు కొట్టారు వై.వి.ఎస్‌.
మోక్షజ్ఞ, ప్రశాంత్ వర్మ సినిమా సెట్స్ పైకి వెళ్ళడానికి సిద్ధమౌతున్న సంగతి తెలిసిందే. ప్రీప్రొడక్షన్ చివరి దశకు వచ్చింది. డిసెంబర్ 5 లాంచింగ్ ఈవెంట్ కు సన్నాహాలు జరుగుతున్నాయి.
