సూపర్ స్టార్ మహేష్ తో సినిమా తీయాలని ఏ దర్శకుడికి మాత్రం ఉండదు చెప్పండి. ప్రస్తుతం బ్రహ్మోత్సవం ముగింపు కార్యక్రమాల్లో ఉన్న మహేష్ తర్వాత వెంటనే మురుగదాస్ సినిమాకు రెడీ అయిపోతున్నాడు. ఇక ఈ మధ్యలోనే మహేష్ కు కథ చెప్పేందుకు రోజుకో దర్శకుడు కలుస్తారనుకోండి. ఈ మధ్య విజయ్ తేరి అదే తెలుగులో పోలీస్ (పోలీసోడు) దర్శకుడు అట్లీ కూడా మహేష్ కు కథ వినిపించాడని రూమర్స్ వచ్చాయి. మహేష్ కూడా అట్లీ లాంటి యంగ్ టాలెంటెడ్ డైరక్టర్స్ తో చేసేందుకు సిద్ధం అనే సిగ్నల్ ఇస్తున్నాడు.
కాకపోతే నిన్న రిలీజ్ అయిన పోలీస్ సినిమా కోలీవుడ్ లో విజయ్ కు ఉన్న ఫాలోయింగ్ కు సూపర్ అనేస్తున్నా.. తెలుగు ప్రేక్షకులు మాత్రం ఈ సినిమాను పటాస్, టెంపర్ అంటూ రకరకాల సినిమాలతో పోల్చుతున్నారు. సినిమా చూస్తే అదే నిజం అని చెప్పక తప్పదు. మన దగ్గర వచ్చిన కథలను మళ్లీ తిప్పి మనకే చూపించాలనుకున్న దర్శకుడి ప్రయత్నం వృధా అయ్యింది. ఇకపోతే ఈ సినిమా తర్వాత మహేష్ బాబు సినిమా కోసం ప్రయత్నిస్తున్న అట్లీను చూసి అభిమానులు కంగారు పడుతున్నారు. మళ్లీ ఇలాంటి కథతోనే మహేష్ బాబుతో సినిమా తీసే ఆలోచన ఏమన్నా చేస్తాడేమో అన్న భయం వారిది. అయితే మహేష్ సినిమాల జడ్జ్ మెంట్ లో పర్ఫెక్ట్ కాబట్టి అట్లీ దర్శకత్వంలో చేసే ఆలోచనని విరమించుకుంటాడనే అనుకుంటున్నారు. సో మొత్తానికి అట్లీ ఓ సూపర్ ఆఫర్ ను మిస్ చేసుకున్నట్టే లెక్క.
